Search

आखर न केनै ल्यासिमिसापे नुगर दुपानय खँ..

आखर न केनै ल्यासिमिसापे नुगर दुपानय खँ..

छिजि लोककु दउ वन्सामी व मिसामिपे नुगर दुपान गिनागु खँ दमु, गुनान् गिनागु मनकाु टोनहिन् ज्यउ हङन् मनोबैज्ञानिक ल्याखाःन् सोर्न दोखुसेनुङ् यिनागु तु खँ दमु हङन् वैज्ञानिक व ज्योतिषी पिसिनुङ खँ टप्छ्याङन् हरि मफज्यउ, गुनेङ् हाउभाउ व खँलाय ल्याखाःन् अनुमान यङनुङ् ङेन्केइ फरै ।

गुङ मिसामिपिसिन् वन्सामिपे ख्वाल् स्वय कत्नङ प्रेमकु लकु थिनागु महशुस यतहिन् । आले आमु वन्सामि त नाप्लरी त हतार चारहिन् हर्स गुङ् मिसामिनुरि वन्सामि बाँलकु ख्वालकु जुकुन् मखे कि दोखुनु जिउ (म्वग्र) य ल्याखाः तयन् जिउ व मजिउ छुट्याङन् जुकुन् प्रेम यरित हाखेन लिङारहिन् ।

प्रेम यरित घत्केङ खँ थुयन लिङाउ मिसामि त बौद्धिक स्तरकु च्वँगु हङन् थुकेइमल । तर ख्वाल खोङ कत्नङ व थिगोटी खँ लाय कत्नङ थउ प्याटा दुपानय दोखुनु खँ प्वंके यकेउपेन् मिसामि गिनागु खाले खेउँ उ खँ त थुकेइरि गिथिले ? आनागु खाले मिसामिङ् दमु कि बातिचा आश्वासन व प्रोत्साहन बियन् खँ लार्जु कि आमु वन्सामिन् हङ कत्नङ् गिबि हतै आमु ठाइँकु थ्येइँ त उलि हतार चारहिन् कि थिपाला लिखन् हाती जुयउ हङन् मनकु म्वटोङ्गु मिसामिपेनुङ् दमु ।

यिनागु खाले मिसामिपिसिन् जौखौकु च्वँगु थउ मिपिसिन् हाती हरेउ हाती बार्पयउ, बाँलकु टोयङ रा बाँमलकु टोयङ हङन् बातिचाङ् मनकु मतहिन् । यिनागु मिसामि पिसिन् जीवनकु घत्केङ हण्डर नयन् लिबि पछुताउ यङन् च्वँगुपेनुङ मदउ मखे समाजकु गत्केङ दमु ।

आउ स्वइलौ गुरि अंग्रेजीय हाखेनय आखरलान् नाम पितयउ मिसामिपे प्रेम गिनागु हङन ….
“ए” आखरलान् नाम पितयउ मिसामिपे स्वभाव बातिचा उत्साहित जुरहिन् गुङ् वन्सामिपे ख्वाल खोङ कत्नङ प्रभावित जुरहिन् आले आमे नाप नाप जुईत हतार चाहिन् । आमु वन्सामिय दुपानय आनीबानी मसिर्सङ मतलब मतहिन् कि आमु वन्सामिन् लिबि धोक्का बियउरा हङन् मनकु मोटोहिन् ।

“बी” नामलान् शुरु जु मिसामिपेन् घत्केङ् सम्वेदनशील जुरहिन् । आन्थिनु थिपुल मिखान् बाँलस्के स्वयन् खोङ वन्सामि नाप प्रेम यतहिन् । तर बानी ब्यहोरा गिनागु हङन् बुझैजुरहिन्, गिब्लानुङ् बातिचा मजिउ मखेउ थिनागु जुर हर्स मेबु वन्सामि नाप स्वापु मतयन याकर्चा च्वँइँ रसतारहिन् ।

“जी” आखर न शुरु जु मिसामिपेन् चाडङ् प्रेम प्रस्ताव त जिर हङन् वनहिन् मिखान् खोङ कत्नङ् प्रेम यकु मिसामिपेन् थउ न मनकु तयन्ली गुल्पनु त्वार्मतयेन् नाप तु जीवन गुजारेतहिन् । उ ’जी’ आखरलान् नाम दउ मिसामि पिस्त थउ त हतिइथि यङन् माया यकु त घत्के स्वरहिन् ।

“एम” आखरलान् शुरु जु मिसामि पेन् गुनुङ वन्सामि त खोङ कत्नङ मनकु तैम्वालहिन्, आले प्रेम यरित स्वीकार बिरहिन् थिपुल मिखा ल्वात्के मायाये आभाष जुर कि गुल्पनु त्वार्मत च्वइँ म्वालहिन् ।

“टी” आखरलान् नाम शुरु जु मिसामि पिसिन् चाडङ प्रेम त लाहाकु काइ म्वाल्सङ धक फुक्याङन् हरि मफहिन् । तर थउ न यकय् वन्सामि नापलरि त यउताङ् वाधा अड्चन् खोङन् मग्यात्हिन्, नाप्लङन् तु त्वार्तैत लगैजुरहिन् नापलरि दोन्केयन्लि गुल्पनु त्वार्मतहिन् ।

“पी” आखरलान् शुरु जु मिसामिपेन् प्रेम यङन् ब्याहा यरिउरि सिद्धान्त कारहिन् । आमु कारण न प्रेम प्रस्ताव त स्वीकार यतहिन् नापलरि दोन्केयन्लि गुल्पनु त्वार्तैरि मनकु म्वटोहिन् । आन्थिनु यिनागु मिसामिपे प्रेम रि घत्के टाकल नाप मजु हातिङ कारण न टायन् जुरहिन् ।

“के” आखरलान् शुरु जु मिसामिपेन् हाखेन यउ वन्सामि त आँकलन् यङन् जिउ (म्वग्र) य ल्याखाःन् स्वरहिन्, बात्चा ड्वाकु मोटैजु वन्सामि त मनकु तरहिन् आले साङतये ल्याखाःन् स्वर्सङ दुपान्नसि प्रेमये ख्वाल्न स्वरहिन् । उ आखर न नाम दउ मिसामिपेन् बात्चा हठी व जिद्दी जुये लागिन् यउ वन्सामिनुङ् ख्वाल स्वयनुङ् खँकु प्रभावित जुरहिन् । उ खाले मिसामिपेन् हाबिलिबि हतिइथि सोच मतयन् तु खँकु त प्रेमकु लतहिन् । गुङ मिसमि पेन् प्रेमय अर्थ मथुयनुङ पछुताउ यतहिन् ।
इथि तु आखरये वर्णानक्रमकु घत्केङ खँ थुकेइ फरगु तर उ खँ पेन् दोखुसे जीवनकु मिलैजुइ मफउ, आन्थिनु मनकु यर हत्नसिन् तु यउसेतं प्याटाये खँ प्वङ्के लाइमजि ।

मल्टिमिडिया ग्यालरी

[embedyt] https://www.youtube.com/embed?listType=playlist&list=UCrfKpAHWbiEIg0uksaq5iKw&layout=gallery[/embedyt]

Written by 

Related posts

Leave a Comment