बाँपीझ्याला, काभ्रे । सामूदायिक ब्वङकुठीकु ब्वङमुचापिस्त बढ्यारीउरी उद्देश्य तयन अभिभावकपिस्त ब्वङकुठीकु यई यक्केईय मन दकेईए लागिन् सिरपाउ विईरी अभियान थालेङन तरै । स्थानिय रुपम न अभिभावकपे ज्य खँ बढ्यारेउरी फर्स ब्वङ्गु मुचापे सेईरी क्षमताकु विकास यरीउरी, ब्वङकुठी व्यवस्थापनकु कत्छीन्गु जुईरी आले व्बङकुठी पिपान चोङ्गु मुचाखुवापिस्त कक्षा कुठाकु हाईरी सरकारय अभियान त सफल दकेईयलागिन् बाँलकु जुयन रा हङन अभिभावकपिस्त सिरपाउ विई थालेङ खँ सिदत ययन चोन ।
जिल्लाय खानीखोला गाउँपालिका ब्वङकुठी न उ दँन नसी ङाम्ह क्रियाशिल अभिभावनपिस्त ग्वारमुङन छानेङन सिरपाउ विईरी अभियान थालेङन तरै । आन्थितु गाउँपालीकाय महेन्द्र व्वङकुठीन् ङाम्ह अभिभावनकपिस्त सिरपाउ वियन तरै । सिरपाउ नापलङन दिउकु अभिभावकपेन मयजु बाटुलीमाया थोकर, भाजु बुद्ध सिङ्ताङ, भाजु राजकुमार तितुङ, भाजु शुक्रबहादुर घिसिङ व मयज मखमली सारुमगर त सिरपाउ विय खेउ । उ अभियान न कलासकु ब्वङ्गु विद्यार्थीमुस्तापेन बढई जुयन चोन हङन ब्वङकुठीय मुलमास्टर (हेडमास्टर) भाजु कमल पुलामीन् सिके दिरहिन् ।
अभिभावकपेन ब्वङकुठी ययन थउ मुचापिसिन् गिथी ब्वङन चोन ? हाती यङन चोन ? ब्वन्केउ मास्टरपेन व्यलाकु ययन चोन रा मोचोरा हङ खँ सुत्ता दुन्दु वास्ता तय खँ सिदत ययन चोन । वय कारणन् ब्वन्गु मुचापेन न्हिछी कलासकु चोईरी हथीईथी डुलई मयरेउरी, न्हिनेसय निजा नकेय ताक्कुङ ब्वन्केईरी ज्य खँ बाँलकु जुयन चोन्गु खँ सिदत ययन चोन । थउ मुचापेन ब्वङकुठी व्यलाकु यर रा माया रा हङन वास्ता तउ अभिभावकपिस्त उ अभियानकु छानेङन तय खँ सिदत ययन चोन ।
ईथीतु काभ्रे –७, खानी खो स्थित जनहित ब्वङकुठीय अभिभावकपे क्रियाकलाप त थात यईत ङाम्ह अभिभावकपिस्त सिरपाउ वियन तरै । आन्थि सिरपाउ नापलङन दिउकु मयजु शान्तिमाया थोलन, भाजु राजकुमार लोप्चन, मयजु अञ्जिता थापा, भाजु निर्मल बहादुर थापा, भाजु टेकबहादुर थिङ त मान विय खँ ब्वङकुठीय मुलमी (हेडमास्टर) केशरबहादुर मगर न सिके दिरहिन् ।
