Search

यसपाली बिस्केट जात्रा मनाउने तयारी, रथ निर्माण कार्य जारी

यसपाली बिस्केट जात्रा मनाउने तयारी, रथ निर्माण कार्य जारी

२१ चैत्र, बाँपीझ्याला । कोरोना संक्रमणको जोखिमका बाबजुद पनि भक्तपुरको प्रसिद्ध बिस्केट जात्राको रथ निर्माणको काम जारी राखिएको छ । तौमढीस्थित पाँच तले मन्दिर अगाडि भैरवको रथ निर्माणको काम जारी छ । परम्परागत शैलीमा निर्मित प्यागोडा शैलीको तीनतले अग्लो रथलाई सयौं व्यक्तिहरुले तान्नु बिस्केट जात्राको मुख्य आकर्षण र विशेषता रहेको छ ।

आठ दिन नौ रातसम्म मनाइने बिस्केट जात्रा यस वर्ष चैत २८ गतेबाट सुरु हुँदैछ । गत वर्ष कोरोना संक्रमणको जोखिमका कारण बिस्केट जात्रा मनाइएको थिएन ।

यस वर्ष समेत कोरोना संक्रमणको जोखिम कायमै रहे पनि सुरक्षित र मर्यादित ढंगले बिस्केट जात्रा मनाएर परम्परालाई निरन्तरता दिने तयारी गरिरहेको गुठी संस्थान भक्तपुरका प्रमुख आनन्द कर्माचार्यले बताउनु भयो ।

बिस्केट जात्रामा उपत्यकाका काठमाडौं, ललितपुर र भक्तपुरका साथै आसपासका जिल्लाका हजारौं व्यक्तिहरुको सहभागीता रहने गर्दछ ।

Written by 

Related posts

Leave a Comment

error: Content is protected !!