Search

नेवाः पत्रकार राष्ट्रिय दबुय च्यादँ किङ्गु साधारण सभा धोन, ङाम्ह पत्रकारपिस्त सिरपाउ व दसिपती वियन मान तयन विर्जु

नेवाः पत्रकार राष्ट्रिय दबुय  च्यादँ किङ्गु साधारण सभा धोन, ङाम्ह पत्रकारपिस्त सिरपाउ व दसिपती वियन मान तयन विर्जु

बाँपीझ्याला, ख्वप । नेवाः जाती पत्रकारपे छाता संगठन नेवाः पत्रकार राष्ट्रिय दबुय नस्दँ पुरा जुयन च्यादँ किङ्गु साधारण सभाय व्याला लत्के शंखधर पार्टी प्यालेन भक्तपुरकु ज्य खँ ङाकेय सिदत ययन चोन । दबुय नाय् भाजु सुरजविर शाक्यय नाय्त्वकु हिल्गु आमु ज्य खँय मुल पाउँना बागमती प्रदेश सांसद भाजु राजेश शाक्य, मेवु मुल पाउँना मध्यपुर थिमी नगरपालीकाय कजि भाजु मदन सुन्दर श्रेष्ठ हर्स विशेष पाउँनापेन मध्यपुर थिमी नगरपालीकाय कोकजी मयजु अञ्जनादेवी मधिकर्मी, मेवु विशेष पाउँना प्रेस काउन्सील नेपालय ज्य हिल्केउ नाय् भाजु गोपाल बुढाथोकी, मेवु विशेष पाउँना नेवाः देय् दवुय नाय् भाजु नरेश ताम्राकार जायन दियन चोङन दिउतन् ।

पाउँनापेन दवुय हाखेनय नाय् भाजु श्रीकृष्ण महर्जन सुत्ता निम्ह सोयन गत्केन भाजु मयजु पाउँनापिसिन् आशन कायन दिरहिन् । दुवुय कोकजी भाजु नृपेन्द्रलाल श्रेष्ठन् जायन दिएन चोङन दिउ मुल पाउँना, पाउना व शुभचिन्तकपिस्त लसकुन यङन दिरहिन् ।

मुल पाउँना बागमती प्रदेश सांसद भाजु राजेश शाक्य, मेवु मुल पाउँना मध्यपुर थिमी नगरपालीकाय कजि भाजु मदन सुन्दर श्रेष्ठय थिगठकु पानसकु ईतार च्याङन दवुय थनुय ज्य खँ हिल्के चल्के दिरहिन् । नेवाः पत्रकार राष्ट्रिय दवुय मुथुपती लुमन्ती पौं नामय पितकायन तय साफरपतीतङ चल्के दिरहिन् । आन्थितु उ ज्य खँकु नेवाः पत्रकारकु लगई जुयन थउ थउ ठाँईलान् बाँलकु ज्य खँ यङन दिउ ङाम्ह भाजु मयजुपिस्त थि थि सिरपाउन मान तयन दसिपती व ढ्यावा विर्जु ।

आन्थि सिरपाउ नाप लङन दिउकु ज्ञानज्योती कंसाकारन थापना यङ ज्ञानज्योती–लक्ष्मीप्रभा स्मृती पत्रकारीता सिरपाउन् मान तयन दिए बरिष्ठ पत्रकार भाजु राजेन्द्र स्थापित, मोतीशान्ती शाक्यन् थापना यङ ज्ञानदेवी–मणिरत्न स्थापित स्मृती पत्रकारीता सिरपाउन मान तयन दिए भाजु कृष्ण किसी, भिक्षु कौण्डन्यन् थापना यङ भिक्षु कुमार काश्यप स्मृति पत्रकारीता सिरपाउन मान तयन दिए बोधी टिभि, बाबुराजा ज्यापुन् थापना यङ बाबुराज ज्यापु फोटो पत्रकारीता सिरपाउन मान तयन दिए किपा पत्रकार मयजु रेखा शाक्य व किर्तीमानी सगरमाथा आरोही मई कल्पना महर्जनय त नेवाः पत्रकार राष्ट्रिय दवुय खेन्नलान् मान तयन दसिपती विर्जु ।

दुवय निस्गुर सेसनकु ज्य खँ हिल्केर्जु । चल्केय सत्रकु पाउँनापिसिन् भिङ्गु टोङ मनय खँ पोन्के दिरहिन् । आन्थितु बन्दसत्रकु ढ्यावावरिय प्रतिवेदन व छ्याञ्जेय प्रतिवेदन ब्वई धोङन्ली पास यङ खँ सिदत ययन चोन ।

ज्य खँकु जायनदिउ दोखुनु मुल पाउँना, पाउँना आले शुभचिन्तकपिस्त नाय् सुरजविर शाक्यन सुभाय् नाप नापङ भिङ्गु टोङ खँ पोन्के ज्य खँ धोन्के दिरहिन् ।

Written by 

Related posts

Leave a Comment

error: Content is protected !!