थनुकेसिय बाखन् – “टिकटक” ठिकठाक थ्वजु ।



बालकृष्ण श्रेष्ठ “पासा”
मतिनाये ख्वाल नेम्ला थेंतु चर्क्वंगु दमु, मिखा स्वर्न नक्ति थिनागु तु चहक दउ, नक्कु निस्खन बातिचा गह्र दउ जुर्सङ् हिसिपरैजु जुयलागिन् थन्केसिय ल्याखान् आम्त मतिना महङन् ’डिम्पल’ हतहिन् साङत पिसिन्, थनु थनु केसि केसि हत्न हत्नङ् दोखुसेनुङ ’डिम्पल’ तु हरि लगैजुरहिन् । आन्थिनु छेंदुपानय थउ बा मा वा ट्वालय साङत पासापिसिन् रि मतिना तु हङन् सत्तउ जु ।

मतिना हङरि येँमिय नेपाल भाषान् हत्नसिन् प्रेम हर्सङ् माया हर्सङ् जिर तर मुल अर्थरि माया तु खेङ जुयन चोन । मतिना मुचान्नसि माया लगैजु स्वभावय थिमा भिङ्गु सउ मिसामि मुचा । आखर ब्वँइ त व म्ये हलेन् प्याखन् हुइत बेस्न तु रस्ताउ मुचा खेङ, आन्थि जुयलागिन् तु मतिना त ट्वाल्य मिपिसिन् जुकुन् मखे, ब्वङकुठी कुङ् गुरुपिसिन् दोखुसेनुङ अति तु माया यकु जु, यउता ठाकउ ज्य खँकु जुर्सङ् यँगके कण्ठ यङन् ब्वइँफउ मिसा मुचा खेङ् मतिना ।


लोककु ब्यालान् हाय हिलिछ्याली ज्यकु बेस्न ध्यान बिएन स्वयन् जिररा, ड्वाकुन् दांगु सउपिस्के ङेङन् जिररा म्वथुय व मसय खँ न्यङन् थुके काइरी बल दउ जु मतिना के, उ दोखुनुङ् प्रतिभा, बुद्धि व ज्ञान गिब्लान् कार्जुजेउ, गुनान् सेन्जुज्यउ, गिथियङन् यरज्यउ हङन् मतिना त तु ङेन्स नक्कतुनी च्यादँ दउ मुचान् इथिहकुजु…


“जन्त गुनानुङ सेङ मखे, जिन् थउतु मन्न मसय ज्य खँ गिथियङन् सकेइ थुकेइ हङन् लिङाउइँ,… जन्त वा बा व मान् बाँलस्के आखर ब्वङन् ज्ञानी जुइमल, ड्वाक्कु मि जुइमल हकु जु, तर जन ब मान् तु हातिङ मसउ जु, आखर मसयलागिन् यक्कु दुःख यरि मल्दन हकु जु… तर जन मान् जन्त आखर बाँलस्के ब्वइँ थस हङन् दोखुनु द्येउ त स्याउदाउजु… बा वा यल्पनु बुँ स्वाँराकु सा वार व बुँ प्वालित वंगुजु बान्वा हातिङ सेइँ काइ मफउ जु,… आले जिनुरी रेडियोकु यउ बाल कार्यक्रम ङेङन् जिर रा, टिभिकु यउ बाल संसार हङ ज्यखँ (कार्यक्रम) स्वयन् गत्केङ खँपेन् सकेर्गी…“हकुजु ।
यिनागु खँपेन् न्येन्ङसिन् यउता खँ ज्य सेइँत व सकेइ त अभिभावक तु दोखुनु सउ जिउ जुइ माबाल्गुजिन हङ खँ थुइदउजु ।


इथि तु हाखेन वन्न वन्न मतिनान् बाँलकु प्रतिभा केङन् घत्केङ हाखेन ययेन्लि थाइँ थाइँलान् यक्कु सिरपाउ (इनाम, पुरस्कार) नापलत्चु, एस.एल.सी जाँचकुङ् घत्केङ बाँलकु दोखुनु स्वयन् घत्के ल्याःखान् थात जुयलागिन् ब्वङ कुठीलान् ब्यालाय ल्याखान् थिगुर मोबाइल व ल्यापटप (कम्प्युटर) न्याङन् बिर्जु हर्स ड्वाकु थातय ब्वङकुठी (कलेज) कु ब्वइँत थउ ठाइँय सरकार खेन्नलान् आन्थिङ ब्वइँदउ (छात्रवृत्ति) मिल्याङन् बिर्जु ।

उलि जुइ द्वन्केयन्ली मतिना य बा व मा उलि रस्ताइ लगैजुर कि…आपे नुगरकु थिता खँ खट्कइ जुयन च्वँगुजु आमु खँ मखेउ जिन हङन् सिर्जु । आमु हाती हर्स गरीबपेन् हाखेन उइँ मफउ, मदउपेन् यलपनु कोत हे कोत जुयन् च्वन हरिउरि बेकार खेङ, थउ के ज्ञान व बुद्धिये क्षमता व ज्य खँ य लागिन् ठाकउ माचायन्, लास्माचायन्, निर व अल्छिपन् त्याग यरि फर्स गुनेङ टुटीकु । स्याउदाइङ माबाल, लाहा प्वार्चिङन् हजुर ज्यूङ् हरिमाल्गु जिन हङ खँ थुकेरहिन् ।


आउ वा झन् ईन्टरनेटय ब्याला, नस्गुर समुद्र टायन् च्वँगु देशय ब्वखँ ज्यखँ आउय आउ तु सिदउ तइदउ ब्यालाकु हाबिय थें गिबिलानुङ हातिङ खबर यरेउरा हङन् हुलाकीय मुल स्वयन् च्वइँमाल्गु ब्यालाकु मिपिसिन्। छेँय् कुठा दुपान्लान् तु संसारय ज्य खँ लाहाकु काइदउ ब्यालाकुं जन मि मद, इसि गरीब त गुनानुङ् । म्वसउ हङन् थउ त थउ तुं क्वत त्यालेन् ग्याङन् च्वन हर्स म्वाङन् च्वइँरी तु बेकार खेङ हङ मतिनो थउ मन दुपानय बिचार दमु ।


उ तुं कारण न मतिनान् ब्यालान् फोङ व म्वाल ज्यखँ त गु्ल्पनुङ् हरेस मनयन् मोबाइलकु न्हुलु न्हुलु ज्य खँ म्वालेन् थउतं जिउ मेबुपिस्तङ जिउ ल्याखान् घत्केङ हाखेन उइँ त्वार्मतयन् च्वन । मोबाइलकु पितयउ ज्य लगैमजु खँकु ब्याला म्वकेइमजि उ चिज हङ थिगुर थउ त तु हातिङ बाँलकु उपलब्धि थ्वजु हङन् पितकाय खेउँ हङन् खूब अनुसन्धान यङन् लिङार ।


मतिना त मोबाइलकु थनुकेसि पितयउ ’टिकटक’ य बाँमलकु प्रचारबाजी खोङन् बेस्न हे राक मायाउ मखे, गुल्प गुल्प इथि स्वर्नसिनुङ् लास्चाइदउ स्वइतु मजिउ किपापेन् तय खोन्न मतिना त दिक्कङ म्वजु मखे, प्याटा, खली, नुगर केङन् प्याखन् उपेन् मुचाय मा बा पेन् खोन्ङ वा उ मोबाइल हङ चीज तु । हात्त । पितकार्जु ज्यउ हङ थें जुयन यर मतिना त ।


यिनागु बाँमलकु खँयलागिन् वा पितकाय मखेले ’टिकटक’ हङ । उ वा बाती बाती खँलाई सउ मुचापिस्त मेथय ज्य खँ केङन् आपे मस्तिष्क त सबल थ्वजु, आकुलान् पितयउ खँ पेन् स्वयन् मुचापिस्त न्हुलु ज्ञान काईत मुल पित थाया हङन् तुका चीन न पितकाय ले ।

उकु वा अफिसकुङ टिकटक, भोस्कुङ टिकटक, स्कुलकुङ टिकटक, छेँय छतकुङ टिकटक, डिङ खाटाकुङ टिकटक, जा नयङ कुठाकुङ टिकटक …ल्यास्मा ल्यासीमिसा नाप लङ कफि पसलकुङ टिकटक, पिङ जुय ठाँईकुङ टिकटक, गल्लीकुङ टिकटक, न्हुलु मोबाईल ङ्याङ पसलकुङ टिकटक, सहकारीय काउन्टरकुङ टिकटक, बैङ्कय काउण्टरकुङ टिकटक, हाकिमय कुठाकुङ टिकटक, वास्ती ¥याङ पसलकुङ टिकटक, हाती हाती कुनी टिकटक, टिकटक रा ठिकठाक हरीउरी रा आउ ट्वाईलेटकु चोङ टिकटक जुकुन पित यई लेङन चोन … उ सहेरी मफयन मतिना न….


यिनागु प्रविधि त प्राविधिक रुप न विकास यङन् दोखुसेत बाँलकु अर्ति साबित थ्वजु हङन् पितकाय खेङ हङन् थन्केसि मतिनान् उ “टिकटक” लान् तु नय चीजपेन्, फिय वास्तीपेन् आले जीवनचरित्र बाँलकु थयत हङन् ’टिकटक’ ठीकठाक थ्वजु हङन् न्हुलु ज्यकु लगैजुयन् च्वन ।
२०७७/१२/१९
येँ, जोरपाटी ।

दोलखाको चाडपर्ब तथा जात्राहरु

You May Also Like

More From Author

+ There are no comments

Add yours