बाँपीझ्याला, बाग्लुङ । यातायात व्यवस्था बिभाग बाग्लुङन् चलई जुयन चोन्गु आर्थिक दँय शुरुय च्यालाकु १० करोड टाका राजस्व ग्वारमुङ खँ सिदत ययन चोन । धौलागिरी अञ्चलय पिगुर जिल्लाय ज्यकुठी दके जनतापिस्त ग्वाहार वियन यनन चोङ ब्लुबुक नबिकरण, सवारी दसिपती (लाईसेन) सुत्ताय शिर्षकलान् नउ करोड ७९ लाख ६४ दोल निस्सर व चैच्याटाका राजस्व ग्वारमुङ्गु खँ सिदत ययन चोन ।
सवारी करलान् नस्गुर करोड, सोगुर लाख छपन्न दोल गुस्सर व गुईगुईटाका बिलब्लुक आले सवारी चल्यारीत विय दसिपतीलान् ४८ लाख १६ दोल खुस्सर व ङैङाटा ग्वारमुङ्गु यातायात व्यवस्थाय ज्यकुठीय खँपित वियन दिउ भाजु सुरेश श्रेष्ठन् सिके दिरहिन् ।
श्रेष्ठन् हङ दिएथे पञ्चीकरणलान् थिस्गुर लाख ङैदोल, बेरुजुलान् १९ दोल पेस्सर, पटके रुटपरमिटलान् ४१ लाख ८९ दोल निस्सर सुत्ता थि थि शिर्षकलान् राजस्व संकलन जुउ खेउ ।