बाँपीझ्याला, तनहु । गत्केथे ग्रामीण क्षेत्रय छेँपेनकु ओम्सामी नाप मलरी धोन्जु । गत्केथे ल्यास्मा ओन्सामीपेन जागिरय लागिन् पिदेश ओङ जुयलागिन् गाउँय छेँकु ल्यास्मा ओन्सामी नापलरी ठाकउ खँ सिदत ययन चोन । ल्यास्मा ओन्सामीपेन पिदेश ओङ जुयलागिन् छेँकु चोन्गु मिसामीपिसिन् ज्यालाखाईरी ज्य खँय ज्य जिम्मा काईमल्गु व्यला ययन चोन ।
उ व्यथा गिवीय हर्स व्यास नगरपालीका वडा ल्याखाः ५, साँगेय खेउ । सेराय कृषक भाजु बेदकुमार श्रेष्ठन बुँ स्वाँराय ज्य खँकु ओन्सामी नाप मलत हङन दिरहिन् । गत्केथे गाउँय ल्यास्मापेन पिदेशकु जागिर नर ओङन चोङ लागिन् गाउँकु जुउ लाटा खाईरी सुत्ता हतिईथी बुँ स्वाँराय ज्य खँकु मिसामीपिसिन्तु जिम्मा काईमल्गु जुयन चोन हङन हाखेन हङन् दिरहिन् ।
पहिला पहिला गाउँय थिम्ह निस्म जुकुन पिदेश ओन्गुतन आमताक्कु लाहुरेय छेँ हङन ओसिई दउजु तर आउ छेँय पिच्छेय ल्यास्मापेन पिदेश ओन्गु जुयलागिन् थनुकेसी लाहुरे मदउ छेँतु नापलरी ठाकउ हङन थउ खँ प्वन्के दिरहिन् ।
आन्थीतु व्यास नगरपालीका –११ पोन्याण्डय भाजु उत्तम कैनीन् गाउँकु ओन्सामी नाप मलङ लागिन् थनुकेसी दोखुनु ज्य खँपेन मिसामीन यङन ययन चोन । ल्यास्मापेन गाउँकु मोचोङ लागिन् बुढापेन, मुचापेन गत्के नापलकु खँ सिदत ययन चोन । शुक्लागण्डकी नगरपालीका वडा ल्याखाः ६ य भाजु विजय सुनारन् पिदेश उईत राहदासी कार यय खँ सिके दिरहिन् । राजनितीक माहोल ठिक मद, भ्रष्टाचार मदिर, आन्थीतु जागिर नईतङ थउ मि मद, थिपुल दुबई ओङन यर्गी, आउ लितङ पिदेश उईरी विचार यङन तरगी ।
खेउ कृषक त ऋण आले अनुदान नापलरी ठाकउ, बिचौलीया दातिकु चोन्गुन नाफा नरई, उत्पादन यङ सामानकु बजारय भाउ थिर मदउ थिनागु गत्केङ समस्या दयलागिन् ल्यास्मापेन पिदेश ओङ खेउ हङन हत्चु ।
न्हीछिन सुईम्हनन्सी सुईङाम्हटुल्ले राहदानी दकेर यरहिन् हङन् जिल्ला प्रशासनय ज्यकुठीय मुलमी भाजु चित्राङ्गत बरालन् सिके दिरहिन् । ईथितु न्हिछिन ङाम्ह मिसामीपेनुङ राहदानी दकेईत ज्यकुठीकु यउ सिके दिरहिन् । ईथी राहदानी कार यउ मध्यकु गत्केथे खाडीमुलककु उईरी हङन हतहिन् ।