Search

सोङ्गु किपा : आरक्षण

सोङ्गु किपा : आरक्षण

सोङ्गुकिपाय दातिकु थिगुर सम्वात दमु “आउय व्यलाकु शिक्षा आनागु व्यापार खेङ, गिवी थौ मुचापेन बोन्केईत लाखौ खर्च यरीत तयार जुरहिन् । आले उकु ग्यारेन्टीङ विई माल ।” प्रकाश झा य न्हुलुृ सोङ्गु किपाय मुल बिषय उतु सम्वातकु निहित दम ।


सोङ्गु किपाकु थिम्ह दलित पात्र दमु । टाहागउ सघर्ष, थिगुर उदारदिल प्रिन्सीपलय सदाशयता हो आमे मिचय प्रेमय सहारान् आमु चिचा प्रोफेसर बनई जुई फरई । सोङ्गुकिपान् सहानुभूतीय नजरन सोईत उ पात्र ओल्तेचा ड्वाकु जातय मिपे नाप भिडई जुर हो । पि.एच.डि यरीत अमेरीका लिङार ।
आरक्षणय बिषयत पाखाकु त्वार्त सोङ्गुकिपान व्यावसायिक कोचिङ कक्षा चल्यारेउरी ठिक खेङ्रा मखेरा हङ पुखुरकु पखुर ज्वाली थालेङ्नली सोङ्गुकिपा मेवुतु ट्रयाककु लिङार । आले लिखन निष्कर्श बिरै “यदी ढ्यावा माकायन बोन्केर्स कोचिङ ठिक खेङ” । मध्यान्तरटुल्ले मुल बिषयलान् भड्कई जुई धोन्गु सोङ्गु किपान लिखन कलेज विश्वविद्यालयकुतु गुणस्तरीय शिक्षा विईरी खँतङ त्वार्त विरई ।


प्रकाश झा न् हाखेनय सोङ्गु किपा “राजनिती” कु थे उकुङ थिगुर ड्वाकु मुद्दात कायन आकु फिल्मी मसला छ्याङन वियन तरै । सिद्धान्तय कुन त्याले प्रौढ, मनकु सुषुप्त आक्रोस लहियन पहिचानय लडाई लडई जुईरी आमे चेला, स्वार्थ पुरा यरीउरी त यउताङ यरीतङ तयार भिलेन गर्छिकुङ ङिलिरीउर, गर्छिकुङ म्ये हलिउरी नकिनय केईमुय सहि गलत दोखुनु निर्णयकु बिना गुङ प्रश्न पहाड गिथी ल्वापडोईरी “धर्मपत्नी” हो ढिला यङन खँ थुउ साइड थाकती दोखुनु उ सोङ्गु किपाकु दमु । थाकती त हरबखत ग्वाहार यरीत तयार दउ शम्भु काका टुल्ले उकु दमु ।

हो उ दोखुनु झमेलान्ली क्लाइमेक्सकु दोखुनु समस्याय समधान यरीत “स्वर्गलान् प्रकट भगवान” थे एईरी चरित्रङ दमु । इनागु “क्लिसे त आरक्षणय मुद्दाकु थिकेय झा न् उ सोङ्गु किपा दके तरै ।
आरक्षण हो शिक्षाय व्यवसायिकरण थिनागु सामाजिक बिषयकु बनई जुउ कारणन् उ सोङ्गु किपाय वजन बढई जुउ खेङ । आन्थितु लिखन लकु वर्गय पक्षकु सोङ्गु किपाकु गत्के ओत्के जुर्सङ स्वर ताई दमु । वय नाप नापङ शिक्षाय व्यापार यङन ढ्यावा कम्याकु उद्दत वर्ग तङ सोङ्गु किपान वात्चा थिरै ।


शुरुकु सोङ्गु किपान थिगुर बहस सिर्जना यतै गु जाति नामकु अवसर हो स्रोतलान बञ्चित जुर आम्त हाखेन हाईय लागिन जातिय भरकु आरक्षण विई मल हङ वय थिगुर पाटो दमु । मेवु पाटोकु आन्थी यत्ङ मुल धाराकु जुउ ड्वाकु ल्याखाः अवसरलान बञ्चित मोजु हङ सवाल दमु ।
दिपक कुमारय दलित पात्रन् उकु थौ भनाई तरै “नयन तोङन ययन चोङ थौ ब्व खोसई जुयउ हङन ग्याङन ईनागु खँ लारहिन् । वय विपक्षकु यउ तर्कन हतै बराबरय प्रतिस्पर्धा तु लोकतन्त्र खेङ । उ बहस त्वार्त अमेरीका उईरी दिपकन हतै “ब्वारीत दोखुनु तयार दमु तर ब्वारीत दोखुनु थिगुरतु विन्दुलान तयार जुई मल ।” हाखेन हाखेन ओङन्ली सोङ्गु किपाकु गुल्प फ्यामिली ड्रामा, आले तर्कय चुपि भुत्तिन थालेतई ।

शुरुकु आरक्षण विरोधी जुउ आरक्षणय वकालत यकु प्रिन्सीपलय ग्वाहार विउ जुयन वित यर । आरक्षणय पक्षपिसिनुङ गल्ती यरीउरी हो माफ फोईरी सुरु जुर । निर्देशकन उ बहसय हातिङ उत्तर मवियन चलाखीपूर्वक सोङ्गुकिपात कोचिङ क्लासय बिषयकु मोडेङन्ली व्यवसायिक शिक्षाय विरोध यकु सोङ्गुकिपा थौतु व्यावसायिक जुर ओन । सामाजिक न्याय हो इतिहासय पुनमूल्याङ्कनय मुद्दापेन समय समयकु ल्वापडोङन चोङ्गु खेङ । थिगुर जिवन्त समाजन यल्पनुङ बहस त आमन्त्रण यतै ।

सतहकु खोईदउ खोईमदउ ओ ओप्तेचा परिवर्तनय मुल्य मान्यताय अन्तरण प्रकारान्तरकु ड्वाकु परिवर्तनय जग दकेई फरई । प्रकाश झा न सामाजिक मुद्दात बिषय दकेय जुर्सङ समाजकु जुयन चोङ्गु परिवर्तनत मिहिन ढंगन दस्यारीखेन्न ध्यान वियन मतउ । दलित वर्गय पिडा दस्यारीय लागिन् आमु मेवुय वास्ती आईरन यकु थाकतीय माय चरित्रय सहाराकु थेनई । सोङ्गु किपाय शुरुकु गु मुद्दाय बिषयकु बहस त हाखेन यईरी बाचा यतै आमुन मिहिन वर्णनय माग यतै ।


दोस्रा भागकु कोचिङ क्लासय फन्दाकु स्वाकटायन्ली सोङ्गु किपा गत्केङ प्याखन थिनागु खोईदमु । लिखन कलेजनतु कोचिङ क्लास निशुल्क चल्यारेउरी फैसला ङेन्केउन कलेजय आवश्यकतात माबाल हरीरी मफउ । उ हिसावन सोर्ङ शिक्षा व्यवस्थाय पुनसंरचनाय खँ मालाउ खाली सुधारय जुकुन खँ लारई । व्यावसायिक कोचिङय विरोध यर्सङ सोङ्गु किपान सर्टिफिकेट हो ल्याखाःत महत्व त हर्स महत्वतु विरै । चाहे निशुःल्क बोन्केउ बुढा प्रोफेसर थोजु चाहे टन्न ढ्यावा कायन बोन्केउ ल्यास्मा प्रोफेसर थोजु निस्मनुङ गत्के मार्क हाउ विद्यार्थीय लागिन्तु चासो विय खोई दमु । तर मार्कय हाखेन ज्ञानरी लिखनतु लत । सोङ्गु किपाकु थिगुर म्ये दमु “एक चान्स तो दे दे मेरी जान” । आरक्षणय खँ थिगुर ईनागुतु थिगुर चान्स खेङ ।

इनागुतु सोङ्गु दकेईरी खँङ थिगुर चान्स खेङ । उ पतकन हर्स वजनदार विषय जुयनुङ प्रकास झा न गतिलो चान्स गुम्याङ खोई दमु । निरन्तर लडई जुयन चोन्गु बुढा प्राध्यापकय भूमीकाकाु खोईदउ अमिताभ बच्चनय बाहाकु उ सोङ्गु किपा टिकई जुयन चोङ्गु खोईदमु । दिपिका, पादुकोण, सैपअली खान हो प्रतिकय लागिन उकु खास ठाँई मद । राजनितीय दुयौधन थे उकुङ भिलेनय नाप मनोज वाजपेयी प्रभावशाली खोईदमु ।

Written by 

Related posts

Leave a Comment

error: Content is protected !!