Search

गलत शिक्षा प्रणालीविरुद्व “थ्रि इडियट्स्”

गलत शिक्षा प्रणालीविरुद्व “थ्रि इडियट्स्”

थिगुर बाखन दमु । गुङ जङ्लक थिम्ह शिकारीन् नियमित रुपकु जाल फिज्याङन सुगात फस्याकु जुयनचोन । शिकारीन् न्हिनपतिङ सुगात जालकु लत्के बजारकु मित ङेङ्गु । आमु दृश्य नजिकय कुटीकु चोङ्गु जोगीन् खोन्जु । आमत सुगाप्रति दया लगैजुर । आमुनलि आमुन जङ्गलय दोखुनु सुगापिस्त भेला यत्चु । सुगापिस्त लयात्मक रुपकु शिकारी ययउ जाल लायउ, आले आकु नासा तयउ, लोभकु परैजुयन आउ फसै मोजु’ हङन म्ये हली सेन्जु ।

भातिचा घडीय प्रयासनली जङ्गगलय दोखुनु सुगा ‘शिकारी ययउ…..’ हङन म्ये हलि फउ जुरहिन् । जोगीङ मख्ख जुर । आले शिकारी यइ ताक्कुवा दोखुनु आमतु म्ये हलेन चोनहिन् । रोजीरोटी ओङ्गुकु शिकारी निराश जुर । लिपुली ताक्कु थिम्ह बुद्धिमान मीन् थिपुल जाल थापेरित आग्रह यत्चु । अचम्म जुर । दोखुनु सुगापेन जालकु चोङन चारो नयन ‘शिकारी ययउ…..’ हङन म्ये हली लगैजुर । शिकारीन् जालकु प्वारचिङन मीर ङुइ ताक्कुङ सुगापेन झन् ड्वाकु स्वर यङन म्ये हलेन चोङ्गु ‘लोभकु परै जुयन फसै मोजुगु’


नक्कुतुनी बजारकु यउ हिन्दी सोङ्गुकिपा “थ्रि इडियट्स्” य बाखनकु सुगानाप मिलैजु थिगुर चरित्र दमु –चतुर रामालिङ्गम । थिगुर नामजाउ इन्जिनियरिङ ब्वङकुठीकु बोङ्गगु चतुर साफरय पानाकु दौ दोखुनु आखर कण्ठाग्र यतै । जाँचकु जस्ताय तस्तै चोरै । शब्दय अर्थ बुझैजुइ नाप आमत मतलब मद । आमे उ अर्थ बुझै मोजुयन यरिउरी सुगा रटाइन यत्ङ ङिलकेइरी ङिल्केरै । शब्दय अर्थ बुझै मोजुयन दोखुनु खँ कण्ठ यरिउरी बानीन् आमुन् लसकुस भाषणनु कण्ठ यतै ।

तर रान्चो (आमिरखान) न ‘चमत्कार’ शब्दत ‘बलत्कार’ शब्दन प्रतिस्थापन यङनवियन शब्दय अर्थ भेउ मसियन आमुन भाषण यङन बिरै । आमुन यत्ङ बेस्न ङिलकेरै । उलि जुर्ङङ आमु सुध्रईमोजु । हात्तहर्स जाँचकु सुगा रटान यङन दोखुनुसोयन गत्के नम्बर हाइरी होडकु आमुन तर्क, बुद्धि हो विवेकय लुखा बन्द यत्चु । आमुकारणन सुगा रटान मल्गु ‘जोगी’ थिनागु शिक्षकपे नजरकु आमु एकदम अनुशासित हो मेह यकु विद्यार्थी खेङ ।


वास्तवकु आउय शिक्षा प्रणालीय विशिष्ट हो उत्तम उत्पादन खेङ । आमे गौरव खेङ चतुर रामलिङ्गम । उली जुकुन मखे, आमु अभिभावकय माङस खेङ, शिक्षकपे मिखाय नानी खेङ हो समाजन खोङ सफल व्यक्तिङ खेङ । आमु जुयलागिन् आम जागिरदाताय पहिला रोजाइ खेङ ।
“थ्रि इडियट्स्”सोम्ह इडियट्स्पेन् खेङ तर शिक्षकपे नजरकु चतुर री ‘इडियट्स’ कु परै मोजु । यद्यपि आमु सोम्ह मूर्ख (इडियट्स्) पेन भिन्न प्रकृतिय खेङ । पहिला रेन्चो (आमिर खान) आमुङ चतुरय क्लासमेट खेङ । तर, आमु बेफिव्रिm जुयन चोन । आमु सुगा रटान मयत । आमु साफरय शब्दत मखे, अर्थ बोध यङन ब्वनै । तर्क, बुद्धि हो विवेकन ब्वङ खँत गुनायतै । थौ चिन्तनत स्वतन्त्रतापूर्वक छितै । ब्वङ खँत छ्यालै । भातिचा विद्रोहीखालयङ खेङ । चित्त बुझैमोजु खँय ठाडो विरोध यतै । आमे भनाइकु ‘इन्जिनियरिङ’ आमे फ्यासन खेङ, लगाव खेङ आमुजुयलागिन् आमुन् चतुरय सुगा रटानत यल्पनु लिखन तरै आले पहिला जुर । तर, आमे बाबजुद स्वच्छन्द पारा, गलत खँकु प्रोफेसरनाप असमति जन्यारिउरी हो विल्कुल न्हुलु प्रयोगन यत्ङ कलेजन आमत ‘इडियट’ य पदवीन विभूषित यतै ।


दोस्रा इडियट खेङ फरहान (माधवन) जन्मैजुयन खोइ मोखोन्ङसिनतु आमे बान् घोषणा यतै–“जन कय इन्जिनियर जुयौं ।” तर, हुर्कैजुयन ओन्ङ कयय रुची फोटोग्राफीकु बढैजुर । हो, आम बाय निम्ती जुकुन ब्वनै । आमुन् थौय लागिन् फोटोग्राफी यतै । उक्न थौत इन्जिनियर दकेउ बाय दवाव झेलेङन फरहान फोटोग्राफी पुरै त्र्वात रान्चोनाप कलेजकु भर्ना जुर । काकरय पुयालान् म्वार सिकेइरी आमे बाय जिद्दीन हाती ज्ययरेयले । आम इन्जिनियरय जाँचकु सदाङ लिखन लत । कलेजन आमत लम्फु ठानेङन दोस्रा इडियट घोषणा यतै । तेस्रा इडियट खेङ राजु (सरमान जोशी) ठ्याक्कै साठीय दशकय हिन्दी सोङ्गुकिपाकु केङथे गरिबीय हालतकु आमे परिवार चोन । मफौ बा, ब्याहा यरी व्यला टेउ केहे आले मा य तनावपूर्ण छेँय ज्य खँ । सोङ्गुकिपाकु आमे परिवारत सदाङ द्यबिअप ष्ल ध्जष्तभ फ्रेमकु केनै । आउ राजुन् चार ब्वइ धोन्के जागिर नइ मल । आकुलान् ली बाय उपचार, केहेय ब्याहा हो माय स्याहार यरिमल ।

उ तनाबकु आत्माविश्वास गुम्यातै । हो सदाङ भविष्यय चिन्ताकु म्वाङन चोन । आकुलान्ली ब्वईकु सोनय गत्के लाहा थिखाके ग्रहगोचरय आओलचा हो कुठा थिखाके देउ देगलपे तस्वीरकु शरण परैजुर । इथी भयभित हो आत्माविश्वास हिन राजु जाँचकु सदाङ लिङनलान् दोस्रा जुर । आले आम बाहेक तेस्रा इडियट गुन खेङ ? स्कुल हो कलेज थिनागु ब्वङकुठीकु बढैजुयन चोङ्गु ड्वाकु जमातन रान्चो, फरहान हो राजुय हालतकु थौत नापलतै । आम जुयन उ सोङ्गुकिपा उ सोम्ह मूर्खपे मोजुयन लाखौं मूर्खपे बाखन खेङ । चिचा पाठेक्रम, समग्र ज्ञानय लिखनय स्रोत थौततु ठानेकु प्राचार्यपेन हो गर्वकु चोन्ङ थौ सन्तानय भविष्यकु लाहा छाप ल्याङन बिउ अभिभावकपे करकापकु उ जमात हायलकायल जुयन चोन ।

आम जुय लागिन् ज्ञान आर्जनय प्रक्रिया थौकु आनन्द हो मज्जा जुय मफयन निरस हो कष्टकर जुयन चोन । उ कष्टलान् उम्कैजुयन लाखौंकु थिम्ह रान्चो बनैजुयउ । मेबु एकाद चतुर थिनागु तालिमे बनै जुयउ । आले लेङ्गु दोखुनु अबसरकु आमु सोयन कोत ओङन अभिभावकय नजरकु नालायक, शिक्षकय मापदण्डकु लम्फु, समाजय हाखेन पङ्गु हो जागिरदाताय परीक्षाकु अयोग्य ठहरैजुर । तर, विडम्वना । उ गुङ थौकुतु नालायक, असफल, अयोग्य मखे । उपेन गुनुङ इडियट मखे । बरु उपेन इडियट दकेउ शिक्षा प्रणाली उपे रखवालापेन हो अभिभावकतु ओय दोषी खेङ । उ थ्रि इडियट्स्न अन्नन्तकु फरहान, राजु हो रान्चो त इडियट घोषणा एरित शैक्षिक प्रणाली, मास्टर हो अभिभावकपेन तु बुमराङ शैलीकु इडियट सावित यङन तरै । ज्ञान बहुआयामिक जुर । ज्ञान आर्जनय क्षेत्रपेन असिमित दमु । दोखुनु क्षेत्रकु थौतु विशेषतापेन दमु । दोखुनु क्षेत्रकु मौलिक, विशिष्ट हो पाउ क्षमता मल ।

थिगुर चित्रकारय ज्य डाक्टरन यरि मफौ । गुङ इन्जिनियरन बाँलकु फोटोग्राफी यरि फरै । थौ लगाव हो रुचीय क्षेत्रकु जुकुन प्रगती यरि फरै । तर, उ सामान्य सत्यत अभिभावक बुझैजुइत तयार मोजुहिन् । आले, थौ सन्तान्त कथित हैसियत प्राप्त जागिरे दकेइरी होडकु खरायो हो कछुवात थिगुरतु दौडकु सामेल यङनली स्वभाविक रुपकु कछुवा लिखन लत । चार ब्वारिउरी कछुवाय क्षमता मखे । आमे विशिष्टताङ मखे । आले उकुतु कापल ठोकेङन थौ सन्तान्तत मूर्ख हो नालायक ठानेरीउरी थौकुतु मूर्खता खेङ । फरहान त सोइलौ । इन्जियिनरकु सदाङ लिखन यउ फरहान गुल्प हिम्मत यङन थौ बात हेके थौ रुचीय विषय बोन्जु । आकुलान्ली आमे जीवन हिल । उ नाम जाउ फोटोग्राफर बनैजुर । इन्जियिनर दुपानय इडियट फोटोग्राफीकु तीक्ष्ण जुयन पितयर । कलेजय जाँचकु मूर्ख ठहरैजु फरहान इडियट खेङ । आले आमत इडियट दकेउ शैक्षिक प्रणाली थौतु इडियट खेङ ।


थ्रि इडियटय प्रिन्सिपल आउय मास्टर प्राध्यापकपे विशिष्ट नपना खेङ । गुनान शिक्षा आर्जन यकु ड्वाकु जमातय स्वतन्त्र चिन्तन शैली, नवीन प्रयोग, विद्रोही चेतना हो क्षमतात स्याङन चोन । कारण म्वामालेन जुकुन खेङ नत्र उ बौद्धिक तानाशाहापे यातना सहेरी मफयन प्राण त्यागयङ गत्केङ उदाहरण छिजी हाखेन लिखन उयन चोन । इनागुतु थिगुर कारुनिक दृश्य दमु उ सोङ्गुकिपाकु । बाउरी मफयन व्यलाकु प्रोजेक्ट पुरा यरी मफयनली लोबोन् प्रिन्सिपल बिरुनाप थप समय फोनै । तर, प्रिन्सिपलन थप समयय बिसट्टा लोबोय मफउ बात फोन यङन आमे कय उ दँकु ग्राजुयसन यरी मफौ हङन हतै । चोट हो ग्लानी सहेरी मफयन लोबोन् आत्माहत्या यतै । रान्चोय आरोप सत्य खेङ लोबो सिकु आत्माहत्या मखे हत्या खेङ । उ प्रागिक ठालु पिसिन् शिक्षात शिकाइ बुझाइ हो छ्यालिउरीय व्यापकतालान् खुम्च्याङन सरकसय रिङ मास्टरन भालुत विय तालिमकु सिमित यङन तरै । आपे तालिमय निर्देशन मङेन्ङ लोबोय हालत जुइफरै । तर, ज्ञान उपे बाय बिर्ता मखे । ज्ञान प्राप्त यरिउरी मुलकु उपेन ग्वाहार विउ जुकुन खेङ । तर उपे फुर्ति सोर्ङ लगैजुर संसार दुपानय ज्ञान गुणय ठेली उपेतु खटनकु चलैजुर । उपिस्त झापड बियन रान्चो जीवनकु ड्वाकु वैज्ञानिक जुर । आमुन् तालिमय निर्देशनत टेरै मयत । उलि जुकुन मखेयन् उ कथित प्राचार्यपे शैलीत पुरै गलत सावित यङन सोङ्गुकिपाय लिखन आपे असल हङ विद्यार्थी चतुर रान्चोय चाकडीकु लिखन लिखन ब्वाङन ओङ केनै ।


व्यवसायिक धारकुतु बनै जुर्सङ थ्रि इडियट्स्न शैक्षिक प्रणालीकु विसंगतीत बहसकु हायन ड्वाकु सामाजिक दायित्व वहन यङन तरै ।

Written by 

Related posts

Leave a Comment

error: Content is protected !!