Search

अफगानिस्तानय राजधानी काबुलकु बम हमला, निस्म सित

अफगानिस्तानय राजधानी काबुलकु बम हमला, निस्म सित

बाँपीझ्याला, एजेन्सी । अफगानिस्तानय राजधानी काबुलकु मंगलबार सुनीय व्यस्त घडीकु श्रृंखलाबद्ध बम कके आक्रमण जुउ खँ सिदत ययन चोन । पुलिस हङथे बम आक्रमणन् वल्तेचाकु निस्म मदउ खँ सिदत ययन चोन ।


पुलिस प्रवक्ता फरदाज फरामार्जन पहिला मुउ (बिस्फोट) कु निस्म सिकु खेङ । आन्थितु निस्मारी घाईते जुुउ खा पित ययन चोन । अफगान गृह मन्त्रालयय मेवु मटर त लक्षित यङन मुकेय बमकु परई जुयन निस्म पुलिस घाईते जुउ आप्सीन थउ खँ पित हायन तरै ।


तेस्रा विष्फोटनलान् हातिङ क्षती जुउ मोजुउ खँ पित मायाय जुयलागिन् हातीङ हरी मफय दमु हङन प्रवक्ता फरामार्जन सिकेर्जु ।


थनुकेसीय महिनाकु सरकारी कर्मचारी, पत्रका, वकिल, अधिकारीकर्मी व सवारी साधन देपान लक्षित यङन बम ककेईरी न्हियन्हीथे जुयन चोन । तर ईथी यङ आक्रमण गुनानुङ जिम्मा कायन चोङ मद । तर सरकारन् उ आक्रमणपेन अफगानिस्तानकु सक्रिय मुल विद्रोही खलक तालिबान् यत्केय हङन दोष वियन ययन चोन ।


आन्थीतु, अफगानिस्तानय कुन्दुज प्रान्तय कुन्दुज शहर नाप सुरक्षाकर्मीनापय ल्वाङकु पेम्ह सुरक्षाकर्मी व सोम्ह विद्रोही लडाकुपेन स्याङ खँ पित ययन चोन ।

Written by 

Related posts

Leave a Comment

error: Content is protected !!