Search

चक्रपथ विस्तार आयोजनाको समस्या समाधानका लागि उपप्रमको निर्देशन

चक्रपथ विस्तार आयोजनाको समस्या समाधानका लागि उपप्रमको निर्देशन

बाँपीझ्याला, काठमाण्डौं । उपप्रधानमन्त्री ईश्वर पोखरेलले काठमाडौं चक्रपथ विस्तार आयोजनाको समस्या समाधानका लागि अन्तर मन्त्रालय, प्रदेश, स्थानीय तहबीच समन्वय बढाउन सम्बन्धित निकायलाई निर्देशन दिनुभएको छ । सिंहदरबारस्थित प्रधानमन्त्री तथा मन्त्रिपरिषद्को कार्यालयमा सम्पन्न बैठकमा चक्रपथ सुधार आयोजनाको हालसम्मको प्रगति र वाटो विस्तारका क्रममा देखापरेका चुनौती र त्यसको समाधानका निम्ति भइरहेको प्रयासका बारेमा छलफल भएको हो ।

कलङ्कीदेखि धोबीखोलासम्मको कूल ११.६ किलोमिटर सडकको निर्माणका क्रममा महाराजगञ्ज र स्वयम्भू क्षेत्रमा समस्या देखापरेपछि उपप्रधानमन्त्री पोखरेलले भौतिक मन्त्रालय, भूमिसुधार मन्त्रालय, पुरातत्व विभाग, काठमाडौँ महानगर, सड्क क्षेत्रमा पर्ने स्थानीय तहका जननिर्वाचित अधिकारीलगायत पदाधिकारीलाई दोस्रो पटक बोलाएर छलफल गर्नुभएको हो ।

उपप्रधानमन्त्री पोखरेलले सडक विस्तारका क्रममा अनुचित माग र अर्घल्याई स्वीकार्य नहुने वताउनुभयो । सम्बद्ध पक्षलाई अनुचित कुराको पछि नलाग्न निर्देशन दिँदै उपप्रधानमन्त्री पोखरेलले राज्यले लिएको नीति र योजनामा सवै निकायबीच समन्वय गरेर अघि बढ्न निर्देशन गर्नुभयो ।

कार्यक्रममा भौतिक पूर्वाधार तथा यातायातमन्त्री वसन्त नेम्वाङले चक्रपथ विस्तार निर्माणका क्रममा देखापरेका समस्या सुल्झाउँदै लैजानुपर्ने वताउनुभयो । त्यस्तै, काठमाडौँ महानगरपालिकाका प्रमुख विद्यासुन्दर शाक्यले राज्यको नीतिमा सबैको आपसी अपनत्व आवश्यक भएको बताउनुभयो ।

Written by 

Related posts

Leave a Comment

error: Content is protected !!