बाँपीझ्याला, येँ । मनत्याङ बाखनकु दकेय सोङ्गु किपा “कृष्ण लिला” य दोखुनु सोङ्गुकिपा खिचेरेउरी ज्य खँ धोन्गु खँ सिदत ययन चोन । वङ्गु मंसिर ला य दोश्रा हप्तानन्सी झापालान् सोङ्गुकिपा खिचेरेउरी ज्यय सोङ्गुकिपा उ वन्गु आईतवार “इन्ड क्लाप” यत्चु । करिव ४० न्हिकु निरन्तर सुटिङकु सोङ्गु किपा धोन्गु निर्देशक दीपक ओली सिकेर्जु ।
ल्यास्मा (अभिनेता) भाजु पुष्प खड्का व ल्यासीमिसा (अभिनेत्री) मयजु श्रद्धा क्षेत्रीय मुल भूमीका दउ आमु सोङ्ग किपा भाजु रोहित कट्टेलय प्रस्तुती, भाजु रत्न श्रेष्ठ कार्यकारी धकेउ (निर्माता) आले भाजु प्रकाश कार्की व भाजु केवल तामाङ धकेउ खेङ । आन्थितु भाजु अर्जुन पोखरेलय संगीत व भाजु रामजी लामिछानेय कोरियोग्राफ्रि जुउ सोङ्गु किपा भाजु लक्ष्मण जोशीन् चोय खेङ ।
सोङ्गु किपाकु भाजु पुष्प व मयजु श्रद्धायन्ली भाजु बुद्धि तामाङ, भाजु रविन्द्र झा, भाजु नवीन रेग्मी, भाजु हिउँवाला गौतम, मयजु भावना गुरुङ, भाजु आयुष गुरागाईं सुत्ता थिनागु कलाकारपिसिन् अभिनय यङन तरै । आरआर सोङ्गु किपाय व्यानरकु धकेय उ “कृष्ण लिला” सोङ्गु किपाय किपा खिचेरेउरी ज्य खँ भाजु शिव ढकालन यङ खेङ । झापा, इलाम व पाँचथरय थि थि ठाँईय बाँलकु रमणीय ठाँईकु खिचेङ सोङ्गु किपा केईरी तिथी बात्चा लिवी पित हाईरी खँ दउ सिदत ययन चोन ।
