द्वाल्खा जिल्ला भीमेश्वर नगरपालीका वडा ल्याखाः २ लिष्टोल थाई छेँ जुयन आउ यल जिल्ला महालक्ष्मी नगरपालीका वडा नं. ६ शितलहाईट यल चोङन दिउ बा स्वर्गिय मान बहादुर श्रेष्ठ व मा स्वर्गिय देवलक्ष्मी श्रेष्ठय कोखलान् २०१६ दँ पौष ला १० तिथीकु जन्म जुयन दिउ जिकुसल कय भाजु प्रकाश श्रेष्ठ खेङ । व्यवस्थापन विषयकु स्तानातक यङन तयनदिउ भाजु श्रेष्ठय २०४७ दँ अषाढ लाकु मयजु मयजु रमिला श्रेष्ठनाप व्याहा यङन दिरहिन् । कय् थिम्ह व थिम्ह मिचय बा श्रेष्ठ खेउ ।
कालिञ्चोक युवा क्लवकु २०५५ दँनन्सी २०६४ टुल्के नाय्, द्वाल्खा पोखरा मिलन समाजकु २०६८ दँनन्सी २०७० टुल्ले नाय्, शितल हाईट साम्रदायिक संस्था यलकु २०७४ दँनन्सी आउटुल्ले नाय् जुयन चोङन् दिरहिन् । आन्थितु द्वाल्खा गुठी जग्गा दबाब विउ खलकय २०७६ दँनन्सी आउटुल्ले संयोजक, हिपाथामी पुर्नस्थापन आले व्यवस्थापन खलकय २०७६ दँनन्सी आउटुल्ले संयोजक, कालिञ्चोक युवा क्लव द्वाल्खाकु २०४७ दँनन्सी २०५४ दँ टुल्के हाखेनय मुलछ्याञ्जे, २०४६ दँनन्सी २०४७ टुल्के क्लवय कोत छ्याञ्जे, २०४२ दँनन्सी २०४५ दँ टुल्के कार्यसमिती दुज, भीमेश्वर जिर्णोद्धार आले सुधार खलकय २०५५ दँनन्सी २०५८ दँ टुल्के दुज, आन्थितु तिलिञ्चो परिवारय २०३७ दँन्नसी २०४१ दँ टुल्के दुज व २०७६ दँ माघ ला न्नसी द्वाल्खा गुठीय कार्यसमितीय दुज जुयन चोङन् दिएन चोनङ दिरहिन् ।
द्वाल्खाकु आउ हिलेन ययन चोन्गु बुग्देउय रथ झिम्पीदँ टुल्ले बन्द जुयन चोन्गुजु । गु री ज्य खँ त भाजु प्रकाश श्रेष्ठय सक्रियता व काञ्चिोक युवा क्लव द्वाल्खाय संयोजनकु २०५५ दँनन्सी हिल्के ययन चोन । २०६८ दँकु द्वाल्खा पोखरा मिलन समाजन थापना यङ अक्षकोष ग्वारमुईत ग्वाहार यङन ययन चोङन दिए खँ सिदमु । उ सुत्ता द्वाल्खा दुपान व दुपान थनुटुल्ले निस्गुर दर्जन सोयन गत्के ज्य खँ यङन ऐतिहासिकता कायम यङन ययन चोङ खोईदमु ।ईथी द्वाल्खा दुपान पिपान थउ फयसय ग्वाहार यङन द्वाल्खाय सामाजिक क्षेत्रकु महत्वपूर्ण योगदान वियन ययन चोन्गु समाजसेवी भाजु प्रकाश श्रेष्ठत दोखुसेनुङ लुँओन्केईत ग्वाहार थजु हङन् ईसिन उकु थपेलागिन् व्वयन तरगु ।
सामाजिक क्षेत्रकु थउ महत्वपूर्ण घडी वियन ज्य खँ यङन चोन्गुपे लागिन् ईसिन उ थिगुर स्तम्भय रुपकु हाखेन यईय लागिन् उ ज्यँ खँ त पित हायन ययन तरगु गिनागु लगई जुर सल्लाह व सुझावय लागिन् ईनाप यतगु ।
मेवु खँ थपेन मध्य गुङ उ स्तम्भ दुपान लतगु हर्स ईसि ठाँईकु थउ दोखुनु ज्य खँय विवरणपेन चोयन छुसासीन् थपे खँपिस्त पित यईत ईसिन ग्वाहार यरीउरी खँङ सिकेरगु । सुभाय्
