बाँपीझ्याला, येँ । थनु थिगुर ज्य खँ ग्वसाग्वयन नेप्लिज फेसन होमय ज्यकुठीकु देउचमारी दकेईरी ज्य खँ धोन्गु सिदत ययन चोन । वङ्गु दँकु सोयन थापरे दँकुङ मिस नेवाः पिसिन् नेवाः परीकार नाप नापङ देउचमारी दके थउ मौलिक कला व सँस्कृतीय जर्गेना यरीय लागिन् संरक्षण यरीउरीकु ग्वाहार जुर हङन नेप्लीज फेसन होमय प्रबन्धक निर्देशक मयजु हेमा मानन्धरन् ईस्त सिके दिरहिन् ।
नेपाल सरकारय सञ्चार मन्त्रीय प्रेस सल्लाह वियन दिउ आले द्वाल्खाय नामजाउ पत्रकार उ ज्य खँय मुल पाउँना भाजु राजेन्द्र मानन्धरन् पानसकु ईतार च्याङन चल्केय आमु ज्य खँकु मिस नेवाःकु ब्व कायनदिउ नेवाः ल्यासीमिसा मई मयजुपिस्त देउचमारी दकेई सेईय नाप नापङ देउचमारी दकेईरी प्रतिस्पर्धाङ यङ खँ सिदत ययन चोन ।
पिपानलान् सारेङन हाय कला, संस्कृती त सोयन थउतु नेवाः कला संस्कृती त छ्यालेन हाखेन यङन म्वात्के तई मल हङ उद्देश्य तयन उ ज्य खँ यङन ययन चोङ खेङ हङन होमय प्रबन्धक निर्देशक मयजु मानन्धरन् सिके दिरहिन् । ईथीतु थनु सोयन झिम्ङाँद हाखेनन्सी शुरु यङन यय उ देउचमारी देके ङाकेय नखत खेउ । छिजि नेपालय पहिचान हङतु नेवाः भाषा, संस्कृती व परम्परा जुयलागिन् वय संरक्षणय लागिन् बात्चा जुर्सङ ग्वाहार जुयउरा हङन उ अभियान शुरु यङ खेङ वय वय नाप नापङ केसीय न्हिकु यउ मई मयजु व मुचापिस्त थउ संस्कार, परम्परा सिके वायन छ्याल्केईय लागिन् उ ज्य खँय ग्वसाग्वय खेउ हङन मयजु हेमा मानन्धरन सिके दिरहिन् ।
नेप्लीज फेसन होमन दाक्षिन थिपुल ठिला पुनिस खुन्हु थउ ज्यँकुठीकु नेवाः परिवार व देउचमारी दके ययन चोन । आन्थितु ज्यँखय मेवु पाउँना कराँते संघय नाय् भाजु अशोक कुमार श्रेष्ठ, गोरखापत्र संस्थानय पत्रकार भाजु दिपक बिहिन, ईभेण्ट अर्गनाईजर भाजु खगेस रञ्जितकार, पत्रकार आले क्यामरामेन भाजु भुपेन्द्र निरौला व समय सान्दर्मिकय सम्पादक भाजु त्रिलोचन प्रधानन् ब्व कायन दिए खेउ ।
