Search

५५ दँ किन सलमान, उ खुम्ह मिसामीनाप प्रेम जुर

५५ दँ किन सलमान, उ खुम्ह मिसामीनाप प्रेम जुर

बाँपीझ्याला, मुम्बई एजेन्सी । बलिउडय सुपरस्टार भाजु सलमान खान थनु ५५ दँय बुदिन ङाकेर ओङन चोन । भाजु सलमान खान सोङ्गु किपाकु गुली नाम चलई जुयन पित यर आम्थीतु गत्के विवाद व प्रेमकुङ नाम जायन पित ययन चोन्गु खोईदमु । भाजु सलमान खानन् बलिउडकु गुली नकिन (अभिनेत्री) पे नाप प्रेम यत्चु । तर व्याहा हर्स अझटुल्ले गुनेनापङ मयत्नी । सलमाननाप प्रेम जुउ हङन खुम्ह नकिन (अभिनेत्री) पे नाप ट्वाकस्याकु खोईदमु । गुन गुनले ल सोसीस ईसिन उकु चोयन तरगु ।

शहीन जाफरी :
मयजु शहीन जाफरी भाजु सलमान खानय पहिला ल्यासीमिसा (प्रेम) खेङ । गु खँ री आमुन विय थिगुर ठोलीबोली (अन्तर्वाता) थौउतु सिकेय खेउ । गु व्यलारी भाजु सलमान खान झिम्खुदँ जुकुन दउजु । आमुतु घडीकु मयजु शहीनय ल्यास्मा (प्रेम) जुयन चोन्गुजु । उ निस्मयङ व्यहा यरीउरीय टुल्ले खँ चलई जुई धोन्गुजु । आमुतु व्यलाकु भाजु सलमान खानय जिन्दगीकु मयजु संगीता बिजलानी यर । आम्तु कारणन यत्ङ मयजु शहीन जाफरी व भाजु सलमान खानय व्यहा जुई मफर्जु सम्वन्ध दातीकुतु ट्वाकडर ।

संगीना बिजलानी :
मयजु संगीना बिजलानी मिस ईण्डीया त्याङनदिउ टुल्ले खेङ । निस्मह नाप्लङ ८० य दशककु जुउ खेउ । मयजु संगीना भाजु सलमान खानय परिवारनाप ट्वाकस्याङन चोन्गुजु । भाजु सलमान खाननङ मयजु संगीतानाप व्यहा यरी म्वाल्गु जु । तर निम्हयङ दातीकुतु सम्वन्ध ट्वाकडर ।

सोमी अली :
मयजु सोमी अली पाकिस्तानी नकिन (अभिनेत्री) खेउ । मयजु सोमीय नाप भाजु सलमान खानय माया यरीउरी, विईउरी (अफेयर्स) गत्केङ टाहागउ घडीटुल्ले चलई जुर । सोङ्गुकिपा “मेने प्यार किया” सोयन्ली मयजु सोमी भाजु सलमान खाननापय सम्वन्ध ट्वाकडउ खेउ ।

ऐश्वर्या राय :
भाजु सलमान खान व मयजु ऐश्वर्या रायय माया यरीउरी, विईउरी (अफेयर्स) बारेकु गत्केङ नाम चलई जुयन चोन्गु जु । निस्महय पहिला नापलङ “हम दिल दे चुके सनम” य सेटकु जुउ खेउ । आम्तु व्यलाकु थिम्हन मेवुत मन पर्याङ खेउ । न्हिछी चानसय ३ घडीकु सलमान खान मयजु ऐश्वर्याय छेँ थेन्जु । आमकारणन यत्ङ ऐश्वर्यान राक यङन भाजु सलमान खाननापय स्वाःपु ट्वाकठर्जु ।

कट्रिना कैफ :
भाजु सलमान खान व मयजु कट्रिनाय प्रेमउङ गत्केङ नाम जायन चोन्गुजु । भाजु सलमान खानन मयजु कट्रिना त सोङ्गु “मैने प्यार क्यु किया” कु अभिनय यरीउरी अवसर विय खेउ । भाजु सलमाननाप सोङ्गु किपाकु अभिनय यङन्ली गत्केङ नाम जायन थात ओन । उपे निस्मय सम्वन्धङ २००९ कु ट्वाकडर ।

युलिया वन्तुर :
भाजु सलमान खानय प्रेमकु नाम जाउ रोमियन सुन्दरी मयजु युलिया वन्तुरनापङ जुउ जु । निस्मत गत्केङ ठाँईकु खोईदउ हङ खँ पित ययन चोन । मयजु युलिया भाजु सलमान खानय परिवार नाप खोईदयन चोन्गु ।

उ थिगुर मनरञ्जन जुकुन खेउ । छिजि द्वाल्खाय नेवाः भाषा ब्वईत कत्छीयङ रा हङ आश तयन उकु उल्था यङन थपेलागिन् ब्वयन तरगु । थिताल ब्वन विईत ईनाप यतगु ।

Written by 

Related posts

Leave a Comment

error: Content is protected !!