द्वाल्खा स्वर्ग

द्वाल्खा स्वर्ग


बलराम श्रेष्ठ

भीमसेन देक्वार जुकुन मखे द्वाल्खा दुपान ।
माहायानी सेङ् विहार, वहिरनङ् खायन चोन ।।
हिन्दुबौद्ध दोखुनुङ देगल दम नाप नापङ् ।
नखतचखत तुङ मानेतै मिलै जूयन नाप नापङ् ।।

थौ थौ ज्य खँ लुँवोङके मिलै जूयन चोनहिन् नापनापङ ।
दमनी ५ थरि जीम्वाल तालूकीए ज्य मदर्सङ ।।
जोशी, प्रधान, ब्रजाचार्य, तूलाधार श्रेष्ठ, आचाजु ।
कसजु मास्के म्हो नाय् जुर्गी नापित आले कसजू ।।

बज्रयोगीनी दिपंकर, तिलोनच्वए मञ्जुश्री ।
बालकुमारी बुगदेउ हरिसिद्दि पशुपति ।।
कालि, इन्द्र सरस्वती तलेजू नाश्वर गणेश ।
नारायण व शिवए वा गत्केङ दम देगल ।।

सहधारा वुग्देउ कुमारी खां“डो हो हिपाथामीपेन् ।
आम्त उकेचोन मुहारी हो दोलक बाजान ।।
पाङ्जा गुंला यंदला ठिला चौला व बछला ।
नखचखत गुुठीगन न गुत्के तरै द्वाल्खा ।।।

डाकस, ट्वाकल खरी्प्याखन आले सायात्रा ।
डोबरकु उकेउतन महाभारत ब रामलिला ।।
श्रीपञ्चमी भीमएकादशी, रामनवमी कृष्णयात्रा ।
सोयन वन्स वालाचतुर्दशी शिवरात्री कालिए यात्रा ।।

कालिञ्चोकए कागेष्ठमी दापा खलःक ए यात्रा ।
चम्पुजा व तामाकोशी आले देवी कथानाप खोपुजा ।।
गुलि बालकु थिती रिती आम नापए परम्परा ।
नखचखत संस्कृति दोखुनुङ नेवार परम्परा ।।

फागु घाटो सोरत वसन्त ए मे जुकुन मखे ।
दाफा भजन मे देगल व छेँ छेँ कु हल्के ।।
मोहनीऐ गीवीङ मदौ सरकारी ६िका तित्के ।
चोनहीन द्वाल्खाए नेवारी परम्परा त म्वात्के ।।

राइती छोवोती वज्रवती नाम जाउ लूङाए वतिपेन ।
दुङ्गल लिष्टोल कोर्छे नक्र्छेे हङ पूरान ट्वालपेन ।।
छोपटी सतल देगल दके तरै अनेक शिल्पन ।
ध्यान वियन सोर्स हाती मद ? द्वाल्खा दूपान ।।

भाडाँवर्तन अंट वास्ती थायन मिउतन ।
पसल व ज्यासल आले कोलए जेङ एकूतन ।।
लूङा दलौट आले सिए देउदेगल दकेउतन् ।
धनिसाहू हत्के नामजाके चोङगूतन द्वाल्खा मिपेन ।।
सांसेदेश थेन्के पसल यङन धन वूयन यउतन ।
धर्मए आस्थान देउदेगल दके गूठी स्वाकूतन ।।
ब“ू स्वांराऐ ज्य फेर ए चलन न यतहिन ।
थौ त गत्के बन्दोवस्तन चोङ्गुतन द्वाल्खा मिपेन ।।

छेँ छेँ ए झयाला चपिल वति व पा६ि सतलचाकू ।
डोबर देगलपे फरफरकु देउपेन खायन चोन्गू ।।
लू ढलौट लूङा व सिंए देउपेन खोइंदउ य“दलाकू ।
देउदेगल गत्केङ दयन देउकुठी हरि लोउजू ।।

छिजी पूरानो नेवार भाषा म्वात्के तरै द्वाल्खान ।
आम त सेङन् उइलौ कय५य पिस्तङ ।।
नखत चखत थूकेइलौं नेवार हङन हत्केइलौ ।
लासचाई माल आम वा छिजी गौरव जुयौं ।।

अरनीकोे मञ्जूश्रीन ठेक्काए जुइफरै द्वाल्खाङ ।
ओह ए ढ्यावा पितकार्जू मल्लपे हाखेन उकृए जूजुन ।।
द्वाल्खा वाेंसिकेइलौ सहर लितं हत्केइलौ छिजीन ।
नाम वा जायन्तू चोन छिजी द्वाल्खा स्वर्ग तुंूखेङ ।।

इतिहासए पानाकु किनारा ए साछी जूकून मखे द्वाल्खा ।
गूल्प थात कोत थेन्सङ मेवे हाखेन लिमचिल्गू द्वाल्खा ।।
दोरखा, दोलखा, द्वाल्खा सातसय दोलखा नेवार ।
अभयपूर यउता हर्सङ नाम जाकेउ वा भीमेश्वर ।।

Written by 

Related posts

Leave a Comment

error: Content is protected !!