तौथल नेपाल भाषालान च्वय चि बाखन
थन कुवेरय ढोक कय सुन्दरय व्याहा । दखुता वालास्केतु जुर । धुमधाम न इरि छेंकु दुंतरिन । नक ईरि छेंकु दुंतयन्ली सगुन काय जेशुरू जुर ।
तर गर्छिनलि थेम निस्म याङन फुकिज दखुनु त्वार्तयन उनिन ।कुबेर न हाति खाँ खेउ हातिउ थुई मफर्जु । लिविथा थेमन हत्चु जिसि खलक स्वयन कोविय मिय मिचनाप नाता ट्वाक्स्याङ हुनान आन्थिङ ईरिमुचाय लाहालान यिसिन्वा हातिउ मनगु ।
सगुननु माकागु हतिन । सगुनकाई ध्वङन्ली भोज नईत हङन दखुता वुत्के कात्के तईध्वङ दउ । तर थिपुल्नउ सुध्दि हातिउ मदके थौ फुकिज खलकन उथिन व्यबहार याङकु कुवेरय नुगर ट्वाक्ज्यात । आमुय मन भिन्के खोर । थेखेन नइत वुत्के तय दखुता खेर उगु जुर मेखेन थौ नक ईरिमुचात बहिस्कार याङहुनान वातिचा वेईजत याङ महसुस यात्चु कुबेर न । दउ मदउ दखुता हतिन, ताकेरिन ।
थौतु जातय ईरिमुचा फोङन व्याहा याङ दउ । थौ घत्केउ ढोक मिय खलक अले थाविय स्तर हङन मेपुत हेला, घृणा याङ अले फुकिज पसिन कोटिय खान्न कुबेरत सिङथिनतु जुर । उथिङ जुर्सउ आमुन गुन्तउ हातिउ महङन सुमके च्वन । सहयाङन च्वइफइमल ढिलो चाडो ईश्वरन केनई हङन खाँकु आमुत विश्वास दउ । आमुतु खाँ मनकु टाङन तर्जु ।
दाँछि निस्दानलि कुवेरत कोटिउ फुकिजय थेम कयन थौ जातय व्याहा मायाङन मेपुतु कोजातय मिसा हार्जु । मेपु कयनु आन्थितु यात्चु ।मिचउ चिचा जातय लाठेनाप वेययन उन ।
थनकेसि थौ सहयाङन च्वङ हुनान ढिला जुर्सउ भगवानन ट्यासापुलेन विर्जु थे लगैजुर कुवेरत । हरिदत हत्नतु मेवस्त जथाभावि मन्कु यउथे मुथु त्वार्तयन हरिमजिउ च्वन, कोटिइत मजिउच्वन लिवि थौतउ आन्थिनतु परैजुइ फरै हङन दु नुगरकु तैमल । लाङन च्वइंफईमल म्वाङन च्वंइफइमल दखुता सोइखाई दमु । उथिङतु खाँ मनकु मेथके मेथके थन कुबेर डिन । मस्त न निटकार्जु ।
गणेश कुमार श्रेष्ठ
हेटौडा–४ चिल्ड्रेनपार्क
२०७७/०८/२७
