मेवै ढ्यावा

मेवै ढ्यावा


तौथल नेपाल भाषालान चिबाँख

गणेश कुमार श्रेष्ठ
हेटौडा –४ चिल्ड्रेनपार्क


थन रामचा सुनिननसि हथिईथि ब्वाङन च्वन । गर्छि खाँ लाईतउ लिमला । आपसिन थिगुर एनजिओ खोल्याङन तरेहेन । आमु एनजिओन ट्वाल ट्वालकु उङन घत्केथरि वाँलाकु बाँलाकु ज्य याङ दमु । दखुनु आँपै प्रशंसा याङतु ताई दमु । थन आँपै एनजिओलान ट्वाल्हेतु प्राविधिक (कृषि तथा पशुपालन) शिक्षालयकु पशुपालन विषय कायन ब्वङन च्वगुपेन मध्य बाँलस्के बोँगु जेहेन्दार विद्यार्थि जुर्सउ गरिविय कारण फिस पुलि मफौ पस्त आयआर्जनय लागि थेम थेम माँमेस वोठय कार्यक्रम दमु ।


यिउय लागि प्राविधिक शिक्षालयलान गरिब, दलित, जनजातिय विद्यार्थिपै नाम फोङ दउ अले स्कुलनउ नाम सिफारिस याङन छोयदउ । स्कुलकु पशुपालन विषयय सैध्दान्तिक बोङन जुकु मजि आमुत व्यबहारिकरूपनउ लागुयाङन बोङ्गुमिन वस्तुभाउ गिथियाङन फरकढंगन चिलि फरेहेन हङन समाजत नमुना जुयन लाँ केईफरेहेन अले नापनापउ मेसय दुदु मियन आय आर्जन याङन स्कुलय फिस पुलि थफयन हङ उद्देश्य कायन तय दउ । यिउ नापनापउ मांमेस लकु विद्यार्थिपसिन मेस ङ्यात्न परैजुउ ड्यावा (मुलधन) निस्दा दुविन व्याज पुलि मावाल्के स्कुलत लिपुलि ध्वईमल्गु अले उथियाङन मुङ ड्यावा लितउ मेपु विद्यार्थित लगानि याङन लिविटुल्लेत वढ्याङन वढ्याङन उङ उद्देश्य तयदउ । माँमेस बोठयखुनु मुपांहन थौपेन दखुसोयन हाविय विद्यार्थिजुय हुनान वालस्के याङन लिवि लिविय नक पुस्तात वाँलकु लाँकेअन विईसिन ,थौपसिन वदमासि यात्कु हर्ष यीउ नाङन उन होसियार जुयन जे यार्सिन हङदउ ।


दाँछि टुल्लेवा दखुनु लछिलछिकु किस्तापुलेन च्वगुतन । लिवि आमु मध्यकु थेमन यिउ ड्यावा विदेशिन जिसिलागिन छोयवा खेउले हात्त लिपुलि त पुलि मावाल हङन थौउँ मोपुलेन पुलिम्वाल्गु मेपु पस्तउ पुलिमावाल हङन ख्याङन बीउ च्वनेहेन । जिम माँमेस वोठयकु ङामयजुकुन पूरा ड्यावा लिडान । मेवैड्यावा वा खेउ हङन हात्त लिपुलितले हङ गलत विचारन तु जित्यार्चु अले आमु ज्य खँ आन्थिउतु असफल जुयन उन । विदेशीदातान थौ व्यक्तिगत ग्वाहारलान थाल्याङ ज्य दातिकुतु तुहईजुयन उन । विदेशीय मनकु छिजि नेपालमी पस्त सोय दृष्टिकोण तु नकारात्क जुयन वन ।
थन रामचा पसिन नुउ थिगुर बाँलाकु पाठ थुरिन । कार्यक्रमयात्न नो नो हङ विईमजिउ च्वन । वास्तविक गरिबतु पहिचान याङन आपै माग थेतु यार्सजुकुन सफल जुई मर । मखेर्स यिउ वा मेवेढ्यावा वा खेउ हङन माया मयाकु च्वनेहेन ।

२०७७/०८/२५

Written by 

Related posts

One thought on “मेवै ढ्यावा

  1. भेष कुमार श्रेष्ठ

    बाखन न थेगर चेत बिर्जु , धन्यवाद गणेश भाजु

Leave a Comment

error: Content is protected !!