बाँपीझ्याला, येँ । दासपती मार्गशीर्ष त्रयोदशीय न्हि खुनु थउ छेँलान् सिकु आले पित्रय नामकु पशुपती देगल क्षेत्रकु ईतार च्यारीउरी ज्य खँ थापरे मोजु खँ सिदत ययन चोन । त्रयोदशीय बल्लीन्नसी चच्छी पशुपतीकु ईतार आतार च्याङन चतुर्दशी खुन्हु सुनी शतबिज छरेरीउरी चलन दउकु थापरे कोविड १९ य कारणन् माहामारी फईलई जुईरी गत्के सम्भावना दयलागिन् भौतिक दुरी, सामाजिक दुरीय नियम पालना यङन ईतार च्यारीत सम्भव मदयलागिन् थापरेय लागिन् थउ छेँय मदउय नामकु च्याङ ईतार थापरे बन्द यङ खँ पशुपती क्षेत्र विकास कोषन थउ खँ पित हायन तरै ।
त्रयोदशीय बल्लीन्नसी ईतार च्यारीत मविर्सङ चतुर्दशी खुन्हु भौतिक व सामाजिक दुरी कायम यङन स्वास्थ सुरक्षाय बिधि अपन्याङन शतबिज छरेरी फरई हङन कोषय कार्यकारी निर्देशक भाजु डा. घनस्याम खतिवडान् थउ खँ प्वन्के दिरहिन् ।
बालाचर्तुदशी हङ उ पर्वय व्यलाकु पशुपति क्षेत्रकु लाखौं लाख भक्तजनपेन यउतनजु । कोविडय कारणन यत्ङ थापरे दँकु बाला चतुर्दशीय व्यला लत्के मंसिर २७ – २८ तिथीकु पशुपती क्षेत्रकु लगईजु जात्रा स्थगित यङन तय खँ सिदत ययन चोन ।
कोरोनाय महामारी बढई जुुयन ययन्ली वङ्गु चैत्र ११ तिथीन्नसी टियन तय पशुपती देगल पुष १ तिथीन्नसी चल्केई टेङ खँ कोष थउ खँ पित हायन तरै । पशुपती देगल चल्केन्ली भक्तजनपिस्त भौतिक व सामाजिक दुरी कायम यत्के पशुपती देउकु स्याउदाई विईरी व्यवस्था जुयन चोङ्गु खँ कोषय दुजछ्याञ्जे भाजु डा. प्रदिप ढलान सिके दिरहिन् ।
