माङस यउसेनुङ खोनइ,
माङस खोइंत ढ्याबा पुलिमाल,
खेउङ खोइं फरै,
मखेउङ खोइं फरै,
हातिङ नुगरकु टोङन् डिन्ङ खोङ माङस्,
टोङतु मदउ खँये खोङ माङस्,
ब्यागल जुइफरै,
आमु माङसय् अस्तित्व मदै फरै,
तर जिन् यथार्थकु खोङ माङस्,
सत्न हे खेङ हत्न हत्नङ मखेउ जुर,
निनस महङन्,
चानस् महङन्,
जि ब्वात्की,
आमु माङसय् फल बाँलरेउ हङन्,
गुल्मा मी नाप ल्वात्की,
मखेउ खँ लार्स डायन् छोइ हङन् वारा स्वात्की,
बुँ वइंतङ् त्वार्तर्गी,
स्वाँरा स्वर उइतङ त्वार्तर्गी,
आमु माङसये कारण न,
छेंय मी नाप हल्गि,
ट्वालये मी नाप शत्रु किन्गी,
हात्त हर्स जिन् खोङ माङसकु,
जन लोकये ड्वाकु विकास खोङ दउजु,
छिजि मिपेन् हातिङ दुख माचायन् चोङ दउजु,
दोखुसे छेंछेंकु हातिङ मदउ म्वजुजु,
धनी गरीबये नाम निसान तु मदउजु,
आनागु माङस खोङन् जी उली हर्ष ताऊइं कि,
खँ ब्वठयन् तु मलकु जन्त,
प्याटा पोङ्ला जुर्सङ फरक मदउजु,
थि नीर मकार्सङ दुःख माचाउइं जिन,
दालमोठ व बजी प्वार्चियन् ब्वाकुइं जी,
आमुङ् थौ याकर्चा त मखे,
साङतपे नाप ब्वठयन् नइत,
चुत्के यालेन् अँबरे ईयन
चछिनिच्छी लिङाउइँ जी,
आमु माङस् सार्थक जुयउ हङन्,
आमु माङस् न दोखुसेतं भिंकेयउ हङन्,
तर गु माङस् ईसित केन्जु,
आमु माङस् केङ्गु मी तु ताङन् वन,
गर्छि म्वखन्ङ फोन् यङन सत्तउ जु,
इथि यङन् बि जिन्,
थिथि यङन् बि,
छिजि लोकये नाम जाके बि,
दउ मदउ सराबर जुयउ,
गुनुङ बेरोजगारी मजुयउ,
गुनुङ पोङ्ला प्याटा च्वइँ माबालेउ हकुजु,
तर गुनानुङ मसिके आमु मिङ तान,
माङसउङ् तान,
ईसित त मुल दातीकु त्वार्तयन् आमु वा ड्वाक्कु ठाईंकु थेनजिन,
आमु माङस केङ्गु मीन वा वँ मसिगि हँ,
जनतु भाग्यन् जि उकु थेन्गी हँ,
हाखेन वन्सङ छि गुन्ले हङन न्यनै हँ,
देश दकेइ स्वयन् हाखेन् जि जन जहान त ठाइँकु थेङ्केइ हतै हँ,
उ खँ तायन् जन माङस्,
दात्तिकु तु ट्वाक्डर,
बाखाचाखा जुर जन माङस !
