१७ मंसिर, बाँपीझ्याला, एजेन्सी । इटालियन क्लब युभेन्ट्सका पोर्चुगिज फरवार्ड क्रिस्टियानो रोनाल्डोले गोल्डेन फुट अवार्ड जितेका छन् । रोनाल्डोले लियोनल मेस्सी, रोबर्टो लेवान्डोस्की र मोहमद सलाहलाई पछि पार्दै अवार्ड जितेका हुन् ।
रोनाल्डोले पहिलो पटक यस अवार्ड जितेका हुन् ।
रोनाल्डो गोल्डेन फुट अवार्ड जित्ने १८ औं खेलाडी बने ।
मनोनयनमा परेका १० खेलाडीमध्ये रोनाल्डोले सर्वाधिक मत ल्याएका थिए ।
मनोनयनमा रोनाल्डो, मेस्सी, लेवान्डोस्की, सलाहसँगै नेयमार, जर्जियो चेलीनी, सर्जियो रामोस, सर्जियो अग्युरो, जेरार्ड पिके र अर्टुरो भिडाल रहेका थिए ।
गत वर्ष यस अवार्ड रियल मड्रिडका लुका मोड्रिचले जितेका थिए ।
मोनाको आयोजित एक कार्यक्रममा रोनाल्डोलाई उनको फुट प्रिन्ट प्रदान गरिनेछ ।
सन् २००३ बाट प्रदान गर्न थालिएको यस अवार्ड रोनाल्डिन्हो, रोनाल्डो, ज्लाटन इब्राहिमोविच, डिडियर ड्रोग्बा, एडिन्सन काभानी, इकर कासिलास जस्ता खेलाडीले प्राप्त गरिसकेका छन् ।
तर, रोनाल्डोका प्रतिद्वन्दी मेस्सीले अहिलेसम्म यस अवार्ड जित्न सकेका छैनन् ।
