Search

प्याराग्लाइडिङकु आकर्षण बढई जुर

प्याराग्लाइडिङकु आकर्षण बढई जुर

बाँपीझ्याला, येँ । थनु सोयन खुला हाखेनन्सी ठप्प जुयन चोङ्गु पर्यटन क्षेत्र गसान गसान चलेन ययन चोन । नेपालय मुल पर्यटनय गन्तव्य रुपकु नाम जायन चोङ्गु पोखराकुङ पाउँनापे लागिन् ज्य खँ शुरु जुयन चोङ्गु खँ सिदत ययन चोन ।


टाहागउ घडीटुल्लेय लकडाउनन्ली पोखराकु दोखुनु सोयन गत्के दुपानाय पर्यटन पाउँनापेन दुत छिरी फउ थनुकेसी प्याराग्लाडिङ जुयन चोन । थनुकेसी पोखराय अकासकु न्हिछिन ङागुर खुगुर शरय हाराहारीकु प्याराग्लाडिङ बोकेईरी निर्णय नेपाल हवाई उडान खेलकुदय ज्यकुठीन् थउ खँ पित हायन सिके तरै ।


डुङन चोन्गु पर्यटन व्यवसायत थात हाईय लागिन् आउ ङैगुर प्रतिशत त्वारतइईरीय व्यवस्था यङन्ली दुपानाय पर्यटक पाउँनापे आकर्षित जुयन चोङ्गु खँ सिदत ययन चोन । प्रकृतिपे नाप मज्जाताउपे लागिन उ खुसीय खँ जुयन चोन । थनुकेसी थिगुर कम्पनीन् निस्गुर जुकुन उडान यरी खोईरी नियम हायन तरै । थिपुलन दोखुसेत ब्वकेईत अनुमती विर्स ब्वईरी य व चोईरीय समस्या जुयन दुर्घटना जुई फरई हङन आमे व्यवस्थापनय लागिन् उ तालिका दकेय खँ सिदत ययन चोन ।


आउ पोखराकु नेपाल हवाई खेलकुद संस्थान् उडानय लागिन् दसिपती नापलकु सोसर व सुईच्यागुर प्यारापाईलटपेन दमु । खुईथिगुर प्याराग्लाडिङ कम्पनी मध्य झिम्थीगुर कम्पनीन् जुकुन थनुकेसी थउ ज्य ख्रँ यङन चोङ सिदमु । कोविड १९ त मध्यनजर यङन सरकारन लागू यङ सुरक्षा मापदण्ड दुपान चोङन पोखराकु प्याग्लाईडिङ हिल्केय ययन चोङ खँ सिदत ययन चोन ।

Written by 

Related posts

Leave a Comment

error: Content is protected !!