Search

सुनी प्वङ्ला प्याटाकु उ नय चिजपेन विष समान जुई फरई

सुनी प्वङ्ला प्याटाकु उ नय चिजपेन विष समान जुई फरई

बाँपीझ्याला, एजेन्सी । सुनी सुनी प्वङला प्याटाकु वल्ते वल्ते नई मल । सुनी नय चिजपिसिन् शारिरीक व मानसिक स्वास्थ्य त प्रभावित यतै । मखेउ नयचिजपिसिन् पाचन प्रक्रियाकु समस्या पित हारै । आमु जुयलागिन् सुनी ईनागु नय चिजपेन नसिन् गुनानरी थपे स्वास्थ्य त स्वस्थ तईत ग्वाहार थयत ।

काँची पाल्कापिल्काः
डाईटकु वगउ पाङ्गौ (सलाद) नईरी बाँलकु मानेईतई तर उ ध्यान विईरी आवश्यक दमु की काँची नईरी पाल्कापिल्काकु भरपुर फाईबर दईरी आवश्यक दमु । गुनानरी कत्छीन्के पच्यातै । सुनी काँची पाल्कापिल्कान ग्यास, ब्लोटिङ व प्याटा ख्यारीउरी समस्या पितकारै ।

पाङ्गौ फलफूलः
पाङ्गौ फलफुल सुन्तला व बारपाङकु भिटामिन सि य मात्रा प्रचुर दमु । उ थपे छेउरी व रोग प्रतिरोधात्मक क्षमताङ बढ्यातै । तर प्वङ्ला प्याटाकु सुनी तर्ङ एसिड पित कारै व प्याटाकु जलन व ग्याष्ट्रिक उङ जुई फरई ।

कफि :
सामान्यतयाः मिपिसिन् सुनी प्वङ्ला प्याटाकु कफि त्वङन शुरु यतहिन् । तर प्वङ्ला प्याटाकु कपि तोन्ङसिन अम्लिय ति बनई जुर व प्याटाकु ग्याष्ट्राईटिस जुईरी खतरा बढई जुर ।

नासउ तोङ पदार्थ :
थिगुर गिलास जुस न न्हि शुरु यरीउरी चलन दमु । तर प्वारचिय जुसकु गत्के मात्राकु चिनी दमु । प्याटाय चिचा आती थावि ब्वकु दउ ग्रन्थी त प्यानक्रियाज ग्रन्थी हतै ।

केरा :
सुनी प्वङ्ला प्याटाकु केरा नर्ङ ध्यान विई मल्गु आवश्यक दमु । केराकु म्याग्नेशियम व पोटाशियमय मात्रा गत्के दमु । गुनान यत्ङ प्वङ्ला प्याटाकु केरा नर्ङ मिनरल त असन्तुलित यतै ।

दरीः
दरीन नय चिजपिस्त बाँलस्के पच्यारीत ग्वाहार यतै । तर उकु नापलकु ल्याक्टिक एसिड नामय ब्याक्टेरिया न सुनी प्वङ्ला प्याटाकु गत्के अम्लीय सामाग्री पित कारै । आमु जुयलागिन् प्वङ्ला प्याटाकु सोयन न्हिनेस नर्स बाँलकु मानेतई । उ स्तम्भ थपिस्त गिनागु लगई जुर छिजि द्वाल्खा नेपाल भाषा त छ्याली त बात्चा ग्वाहार जुयउ रा हङन् खस भाषा त उकु उल्था यङन थपे लागिन् व्बयन तरगु ।

Written by 

Related posts

Leave a Comment

error: Content is protected !!