Search

थनु हाती हाती यङन चोन भारतीय सेनाध्यक्ष नरवणे न ?

थनु हाती हाती यङन चोन भारतीय सेनाध्यक्ष नरवणे न ?

बाँपीझ्याला, येँ । बिहीबार भारतीय सेनाध्यक्ष भाजु भनोज कुमार नरवणे औपचारकि ज्य खँकु ब्व कायन चोन । थनु सुनी ९ः३० घडीकु सैनिकमञ्ज टुँडिखेलकु दउ बीर स्मारककु श्रद्धाञ्जली वियनन्ली नरवणेय औपचारीक ज्य खँ शुरु जुईरी खँ सिदत ययन चोन । आन्थितु बीर स्मारककु श्रद्धाञ्जली विईरी शुरु यङन्ली भद्रकालीस्थित सैनिक मुख्यालय जंगी अड्डाकु आमु त नेपाली सेनाय थिगुर टुकरी न सम्मान यरीउरी ज्य खँ दमु ।

सम्मान यङन्ली आमुन जंगी अड्डाकु समकक्षी प्रधानसेनापती भाजु पूर्णचन्द्र थापानाप नापलरीउरी खँ दमु । जंगी अड्डाकु भारतीय सेनाध्यक्ष नरवणे न नेपाली सेनाय बरिष्ठ भाजु रथी बृन्दपेन नाँप अन्तरक्रिया यरीउरी खँ दमु । अन्तरक्रिया ज्य खँ धोङ्नली भारतीय सेनाध्यक्ष न नेपाली सेना त एम्बुलेन्स सुत्ता मल्गु मेडिकल सामानपेन विईरी ज्य खँ दमु ।


आन्थीतु न्हिनेसय ४ घडीकु नरवणे त राष्ट्रपती मयजु विद्यादेवी भण्डारीन् नेपाली सेनाय मानार्थ महारथीय दज्र्यानी चिन्न विईरी खँ दमु । नेपाल व भारत थिस्गुर देशय सेना मुल त थिम्ह न मेवु देशय मानार्थ महारथीय पदवीन सम्मान यरीउरी अभ्यास दयलागिन् भारतय सेनाध्यक्ष आमुतु सम्मानय लागिन् उ पतक न नेपाल जायन दिउ खँ सिदत ययन चोन । शितल निवासकु जुई टेङ्गु विशेष ज्य खँकु राष्ट्रपती मयजु विद्यादेवी भण्डारीन् नरवणे त मानार्थ महारथीय दज्र्यानी चिन्न विईरी खँ सैनिक प्रवक्ता आले सहायकरथी भाजु सन्तोष बल्लभ पौडेलन सिके दिरहिन् । दज्र्यानी चिन्न कायन दिएन्ली सेनाध्यक्ष नरवणे न राष्ट्रपती भण्डारी नाप शिष्टाचार नाप लरीउरी खँ दमु ।


राष्ट्रपतीय ज्य कुठीकु ज्य खँ धोङ्ली भारतीय सेनाध्यक्ष नरावणे सैनिक मुख्यालय जंगी अड्डा यईरी ज्य खँ दमु । गीवी प्रधानसेनापती थापान आमे सम्मानकु बल्लीय भोस्य ग्वसाग्वयन तय खँ सिदत ययन चोन । बल्लीय भोस्कु भारतीय डेलिगेसन खलक, नेपाली सेनाय थाविय अधिकृतपिसिन् ब्व काईरी खँ दमु ।

नवरणे बुधवार नेपालय सोनुय औपचारीक भ्रमणकु जायन दियन चोङन दिरहिन् । शुक्रवारटुल्ले नेपालकु चोङ्नदिउ भाजु नरवणे थउ देश लिपुली सोयन हाखेन प्रधानमन्त्री आले रक्षामन्त्री भाजु केपी शर्मा ओलीनाप नापलरीउरी ज्य खँ दमु । नेपाल यय पहिला न्हिकु बुधवार नरवणे न बसन्तपुर ओङन् जिवित देवी कुमारीय दर्शन यङन दिरहिन् । आन्थितु बुधवार पशुपतीनाथय दर्शन लुँखा पिपानलान्तु यङ खँ सिदत ययन चोन ।

Written by 

Related posts

Leave a Comment

error: Content is protected !!