बाँपीझ्याला, काठमाडौं । पिरिम नलाउने, गलबन्दी–पछ्यैरीलगायत हिट गीतका गायक आशिष सचिनको नयाँ गीत ‘पानी बादलु’ सार्वजनिक भएको छ । आकर्षक भिडियो सहित सार्वजनिक गीतमा आशिषलाई स्वरमा रेश्मा पुनले साथ दिएकी छन् ।
गीतमा शब्द तथा संगीत दीपक शर्माको रहेको छ । डान्सिङ शैलीको गीतको भिडियो पनि सोही अनुसार तयार गरिएको छ । जसमा गायक सचिनको अलवा एलिसा शर्मा, सरोज अधिकारी र आश्मा विश्वकर्माले कम्बर मर्काएका छन् । भिडियोमा पवन खतिवडा ‘म्याकुरी’ र खड्गबहादुर पुन ‘खबपु’ पनि देखिएका छन् ।
गम्भिर विष्टको निर्देशन तथा करियोग्राफी रहेको भिडियामा अर्जुन तिवारीको छायाँकन तथा सुप्रिम पराजुलीको सम्पादन रहेको छ । बजारमा आएको भन्दा केही नयाँ शैलीमा तयार गीत दर्शक श्रोताले मनपराउने बिश्वास रहेको गायक सचिनले बताए ।
