०४ कार्तिक , बाँपीझ्याला, एजेन्सी । च्याम्पियन्स लिग फुटबल अन्तर्गत समूह चरणको खेलमा आज मंगलबार साविक उपविजेता पेरिस सेन्ट जर्मेन (पीएसजी) र म्यानचेस्टर युनाईटेडबीच प्रतिस्पर्धा हुँदैछ ।
पीएसजीले नयाँ सिजनको पहिलो खेलमा घरेलु मैदानमा युनाईटेडको सामना गर्नेछ । समूह ‘एच’ को पीएसजी र युनाईटेडबीचको खेल नेपाली समय अनुसार राति १२:४५ बजे सुरु हुनेछ ।
घरेलु मैदानमा पीएसजी सुखद सुरुवात गर्न आफ्नो स्टार खेलाडी नेयमार र केलियन एमबाप्पेको साथ रहने पीएसजीलाई घरेलु मैदानको फाइदा समेत हुनेछ । तर, इंग्लिस क्लबविरुद्ध पीएसजीलाई सहज भने हुने छैन । युनाईटेड पनि पीएसजीलाई हराएर सुखद सुरुवात गर्न चाहन्छ ।
