२६ असोज , बाँपीझ्याला, एजेन्सी । बोरुसिया डर्टमण्डका फरवार्ड इर्लिङ हाल्याण्डले पहिलो अन्तराष्ट्रिय ह्याट्रिक संगै नर्वेले रोमानियाविरुद्ध शानदार जित निकालेको छ ।
आइतबार राति भएको खेलमा नर्वेले रोमानियालाई ४–० गोल अन्तरले पराजित गरेको हो ।
हाल्याण्डले आफ्नो उत्कृष्ट फर्मलाई निरन्तरता दिदै खेलको १५ औं मिनेटमा नर्वेलाई अघि बढाएका थिए । अलेक्जेनडर सोरलाथले अग्रता दोब्बर बनाए । ६४ औं मिनेटमा हाल्याण्डले व्यक्तिगत दोस्रो गोल गरे । त्यसको १० मिनेटपछि उनले ह्याट्रिक पुरा गरेका थिए ।
नेसन्स लिगको समूहको शीर्ष स्थानमा रहेको नर्वेले अब नर्दन आयरल्याण्डसंग खेल्नेछ ।
