अजय प्रधान,
बाँपीझ्याला, दोलखा । जिल्ला समन्वय समिति दोलखाले आज बाट जिल्लाका स्थानीय तहमा हुने गतिविधिहरुको बारेमा प्रथम चौमासिक कार्यसम्पादन अनुगमन सुरु गरेको छ । उक्त कार्यसम्पादन अनगुमन अन्तर्गत आज पहिलो दिन जिल्ला समन्वय समिती दोलखाका प्रमुख डबल पाण्डेको टोलीले गौरीशंकर गाउँपालिकामा अनुगमन गरेको छ ।
प्रथम चौमासिक कार्यसम्पादन अनुगमनको क्रममा गाउँपालिकाले संचालन गरेको गतिविधिको बारेमा जानकारी गराउनु भएको थियो । गाउँपालिकामा दरबन्दी अनुसारको कर्मचारी नभएको र काम गर्न दरबन्दी अनुसारको कर्मचारी नहुदा समस्या भएको प्रमुख प्रशासकिय अधिकृत बालकुमार श्रेष्ठले बताउनु भयो ।
गाउँपालिकामा प्रशासनिक क्षेत्रमा काम गर्ने र विभिन्न वडाहरुमा वडा सचीवहरुको दरबन्दीमा कर्मचारी नभएको वहाँले बताउनु भयो । आर्थिक वर्ष २०७७÷७८ का लागि गाउँपालिकाले ४४ करोड ५२ लाख बजेट अनुसारको बिकासका योजनाहरु तय भएको र १४७ योजना रहेको गाउँपालिका प्रमुख सोयम बहादुर खडकाले बताउनु भयो ।
१४७ योजना मध्ये २३ योजना वडाहरुले संचालन गर्ने ६ वटा बोलपत्र मार्फत गरिने र अन्य गाउँपालिका मार्फत उपभोक्ता समिती मार्फत गरिने गाउँपालिका प्रमुख सोयम खडकाले बताउनु भयो ।
