Search

द्वाल्खाय माया सरय सोङ्गु किपाय म्ये पित यर

द्वाल्खाय माया सरय सोङ्गु किपाय म्ये पित यर

बाँपीझ्याला, द्वाल्खा । द्वाल्खा नेपाल भाषाय विकासक्रमकु चौथा म्येकु “द्वाल्खाय माया” सरय म्येय सोङ्गुकिपा पित ययन चोन । उ म्ये त सर वियन दिउ भाजु दिपक स्वप्नील श्रेष्ठ, शब्द व संगीत भाजु डा. भानु श्रेष्ठ, भिडियो निर्देशक कोरियोग्राफी मयजु कविता थामी, क्यामरा सम्पादन भाजु भीमसेन श्रेष्ठ, दकेईरी व व्यवस्थापन भाजु रविन मल्ल, कलाकारकु मयजु कविता लामा, भाजु विष्णु शिवाकोटी, भाजु गणेश श्रेष्ठ, भाजु एमोन श्रेष्ठ व मयजु रमिला श्रेष्ठ खेङ ।

आन्थीतु संगित संयोजनकु देवेन्द्र नेवाः, रेकर्ड यकु व मिक्सीङकु भाजु मनोज राजभण्डारी व स्टुडियोकु साउण्ड मिल, उ सरय म्ये सोङ्गुकिपा पितकाईत ग्वाहार यङन दिउ ल्यास्मा भाजु मनिल प्रधान, भाजु रविन मल्ल, भाजु सुरत श्रेष्ठ व भाजु विक्रम मल्ल खेङ हङन ईस्त सरय धनी भाजु दिपक श्रेष्ठ स्वप्नील न सिकेदिरहिन् ।


हाखेनय व्यलाकु सोयन लिखनय व्यलाकु छिजि द्वाल्खा नेपाल भाषाय विकास क्रम बाँलस्के जुयन चोङ्गु खोईदमु । वय हाखेन उईरी थिगुर पाराक मध्यकु म्येङ खेङ । म्येय विकासक्रमकु दोखुनु सोयन हाखेन भाजु त्रिलोचन प्रधानय संयोजन आले द्वाल्खा नेपाल भाषा खलक न पितकाय पहिला म्येय सिडि स्याउदाई, आमुन्ली भाजु दिपक स्वप्नील व भाजु विराजमान श्रेष्ठय पहलकु पित काय म्ये दोश्रा “ईतार”, आन्थीतु भाजु डा. भानु श्रेष्ठ व भाजु दिपक श्रेष्ठ स्वप्नीलय पहलकु पितकाय द्वाल्खाय माया, ईथीतु कालिञ्चोक युवा क्लव न पितकाय, भाजु त्रिलोचन प्रधानय ग्वाहारकु पितयउ म्ये “भाग्यमानी” खेङ ।

उ भाजु भानु श्रेष्ठ व भाजु दिपक श्रेष्ठय पहलकु पित यउ द्वाल्खाय माया य म्ये त सोङ्गुकिपाय म्ये पितकाय खेङ । ईथितु छिजि दोखुसेनुङ थउ थउ ठाँईलान् छिजी मा भाषा द्वाल्खाय नेपाल भाषात ग्वाहार यत्कु हर्स केसिय न्हिकु थनुय सोयन बाँलस्के विकास जुयन उईरीकु गुनेङ निस्गुर मत मदई फरई । वयलागिन् हातीन फरई आमु ग्वाहार यरीलो ।

Written by 

Related posts

Leave a Comment

error: Content is protected !!