Search

रुघाखोकीभन्दा गन्ध र स्वाद थाहा नपाउनु कोरोनाका स्पष्ट लक्षण

रुघाखोकीभन्दा गन्ध र स्वाद थाहा नपाउनु कोरोनाका स्पष्ट लक्षण

बाँपीझ्याला, बीबीसी । कोभिड–१९ सम्बन्धी हालै गरिएका नयाँ रिसर्चहरुमा रुघाखोकी या ज्वरो भन्दा गन्ध र स्वाद थाहा नपाउनु यसको अझ स्पष्ट संकेत हुन सक्ने पत्ता लागेको छ । युनिभर्सिटी कलेज लन्डनले सुँघ्ने क्षमता गुमाएका ५९० जनामा गरेको अध्ययनमा उनीहरु मध्ये ८० प्रतिशतमा कोरोना भाइरसको एन्टिबडिज फेला परेको हो ।

र तीमध्ये ४० प्रतिशतमा यसबाहेक अन्य कुनै लक्षण देखिएको थिएन जसले पनि गन्ध थाहा नपाउनु कोभिडको अझ स्पष्ट संकेतक हुन सक्ने देखाएको छ ।

गत अप्रिलदेखि नै सुँघ्ने अनि स्वाद थाहा पाउने क्षमता गुम्नु कोरोना भाइरसको लक्षण हुन सक्नेबारे विज्ञरुले खोजी गरिरहेका थिए । र सो तथ्य वैज्ञानिक रुपमा प्रमाणित भएपछि म मे महिनाको मध्यतिर यसलाई पनि कोभिडको आधिकारिक लक्षणमा समावेश गर्ने घोषणा भएको हो ।

अहिलेका अधिकांश स्वास्थ्य निर्देशिकाहरुमा गन्ध र स्वादमा फरक पर्नु या सो क्षमता हराएको अनुभव गर्नेहरुलाई कोभिडको परीक्षण गराउन सुझाव दिइएको छ । अध्ययनकी प्रमुख प्रोफेसर रेचल बेटरहेमका अनुसार खोकी र ज्वरो सबैले चिन्न सक्ने र बाहिरैबाट देखिने लक्षण भएका कारण अझैपनि प्रायःले संक्रमितहरुमा यिनै लक्षणको खोजी गर्ने गरेका छन् ।

यो खोजलाई अहिले यसकारण पनि धेरै महत्वपूर्ण मानिएको छ किनकी अब मानिसहरुले दैनिक प्रयोग हुने घरेलु वस्तुहरु, जस्तै पर्फ्युम, ब्लिच, टुटपेस्ट, कफी लगायतको गन्ध या स्वाद थाहा पाइरहेका छैनन् भने केही समयका लागि सेल्फ–आइसोलेसनमा बस्न सक्ने प्रोफेसर रेचलले बताइन् ।

मल्टिमिडिया ग्यालरी

Written by 

Related posts

Leave a Comment

error: Content is protected !!