Search

जिरी प्राविधिक शिक्षालयन् सोदँय डिप्लोमा खेन्नय फिस कोत कार्जु

जिरी प्राविधिक शिक्षालयन् सोदँय डिप्लोमा खेन्नय फिस कोत कार्जु

अजय प्रधान
बाँपीझ्याला, द्वाल्खा – जिरी। जिरी प्राविधिक शिक्षालय य ज्य खँपेन ब्वन्केईय लागिन् मल्गु फिस मिल्याङन यङन तरै । द्वाल्खाय शिक्षालयय मुल्मी भाजु रमेश प्रसाद शिवाकोटीय् नायत्वकु चोङ जिरी प्राविधिक शिक्षालयय बैठकन् फिस मिल्याङ (समायोजन) यङ खेङ खँ सिदत ययन चोन ।

आमु बैठकन् कोभिड –१९ य प्रभाव टुल्लतङ मध्यनजर यङन शिक्षालय य सोदँय डिप्लोमा खेन्न थि थि ज्य खँपेनकु ब्वन्केईय लागिन् फिसकु कोत कायन तरै । आन्थीतु शिक्षालयकु डिप्लोमा खेन्न बाली÷ पशु विज्ञानकु ब्वन्केईय लागिन् मुङन थि लाख निस्दोल व खुस्सर फिस तोकेङ खँ सिदत ययन चोन । ईथितु उतु बैठकन् शिक्षालयकु थापन यङ उत्पादन ईकाई तङ अनुमोदन यत्चु । आउ प्रशिक्षार्थिपिसिन् शिक्षालयकु ब्वईरी घडीकु सिप सेन्ङन बात्चा जुर्सङ ढ्यावा कम्यारी फरहिन् । गिवी सेङ, कम्यात व तिरेत हङ नारा त चरितार्थ यरीत ग्वाहार थेईरीकु विश्वास काय तय खोईदमु ।

प्राविधिक शिक्षा आले व्यावसायीक तालिम परिषद् आंगिक शिक्षालयकु न्हुलु सैक्षिक दँ (सत्र) २०७७/०७८ य लागिन् न्हुलु प्रशिक्षार्थी छनौटय लागिन् आवेदन फाराम चल्गु ताक्कु उ बैठक चोङ खेङ ।
शिक्षालयकु आउ डिप्लोमा खेन्न बाली, पशु विज्ञान व सिभिल इन्जिनियरिङ तहय लागिन् असोज ला य १५ तिथी टुल्ले च्यासर टाका नाप आवेदन फाराम बुझ्यारी फईरी खँ दमु ।

आन्थितु प्रि डिप्लोमाय टिएसएलसी खेन्न बाली विज्ञान व सिभिल सव ओभरसीयरय लागिन् असोज ला १९ तिथी टुल्के सोसर टाकाय नाप आवेदन बुझ्यारी फईरी खँ दमु ।

आवेदन फाराम ईन्टरनेटलान् बुझ्यारेउरी आले शिक्षालयकु ओङन भरेरी फईरी व्यवस्थाङ यङ खँ सिदत ययन चोन ।

Written by 

Related posts

Leave a Comment

error: Content is protected !!