बाँपीझ्याला, स्वःनिग । कोरोना भाईरसय महामारी नाप नापङ टिय दुपानाय हवाई ब्वकेय करिव खुलानन्ली थनुन्नसी चकेर्जु । चैत्र ला ११ तिथीनन्सी टिय दुपानाय हवाई ब्वकेय थनुनन्सी देश दुपानाय दोखुनु गौचरण चल्के तय खँ सिदत ययन चोन । नेपालय सरकार न असोज ला ५ तिथीनन्सी चल्केईरी हङन उ सोयन हाखेनतु निर्णय यङन तउजु ।
शुरुकु सामान्य २५ प्रतिशत जुकुन उडान जुयउ हङन नागरिक उड्डयन प्राधिकरण न खँ चोके तरै । थनु पहिला न्ही देश दुपाननाय ३६ न्नसी ४० गुर उडान जुउ जुयन चोन ।
सरकारन् तोकेङ स्वास्थ्यय् मापदण्ड पुरा यरीय लागिन् हवाई जहान दिकेय ठाँईकु ओल्तेचाकु थिगुर घडी टाहागके तयन तरै । पहिला पहिला थिगुर घडी हाखेन विमानस्थल थेई व गकुकु आउ निस्गुर घडी हाखेन थेई मल्गु न्हुलु नियम हायन तरै । ईथीतु विमास्थल दुपान ओल्तेचाकु १ गुर मिटरय भौतिक दुरी कायम यरीमल्गु व्यवस्था यङन तरै । ई–टिकटलान् जुकुन जाँचेरेउरी जुयन चोन । दोखुनु यात्रुय लागिन् विमानस्थलकु को सोईय लागिन् क्वाकु जाँच यरीउरी व स्यानिटाईजरय व्यवस्था यङन तरै ।
