बाँपीझ्याला, चौतारा । भोटेकोसी गाउँपालिकालाई गाउँघर क्लिनिक र वर्थिङ सेन्टर सञ्चालनका लागि आवश्यक उपकरण उपलब्ध गराइएको छ । जीएसकेको आर्थिक सहयोगमा टुकी सुनकोशी तथा केयर नेपालको साझेदारीमा मातृ तथा नवशिशु बाल स्वास्थ्य सुदृढीकरण सम्मान परियोजना बाट भोेटेकोशी गाउँपालिकामा गाउँघर क्लिनिक र वर्थिङ सेन्टर सञ्चालनका लागि आवश्यक उपकरण हस्तान्तरण गरिएको हो ।
टुकीसंघका प्रतिनिधिले गाउँपालिका अध्यक्ष राज कुमार पौडेल, उपप्रमुख दाबुटी शेर्पा र प्रशासकीय अधिकृत मोहन निरौलालाई क्लिनक सञ्चालनका लागि आवशयक पर्ने उपकरण हस्तान्तरण गरेको जानकारी टुकी संघ सुनकोशीका कार्यकारी अधिकृत ज्ञानेन्द्र पौडेलज्युले जानकारी दिनु भयो ।
