नर्सिङ हाति खेङ ?

नर्सिङ हाति खेङ ?
निरा प्रधान स्टाफ नर्स
पाटन अस्पताल, यल

ओहो छि नानी वा गुली बाँलकु जुयन चोन ? मफउपिस्त बाँलस्के सोउन जुयन चोन । मेवु नर्स वा गुली छाकु खँ लाउ जुयन चोन, खँ लार्ङसिननुङ ढ्यावा तिरेरी मल्गु थिनागु । उ वाक्याशपेन छिजिन प्रायः यङन न्हियनि अस्पताल हो नर्सिङ होमदुन्दु ताई दमु । आखिर हाति खेङले उ नर्सिङ ज्य खँ आले पेशा ? वय बारेकु थुईरी महत्व दमु ।

सन् १८८० दँकु बेलायतकु जन्मजु नाईटिङगेल लिरिन्सतु नर्सिङ पेशाय पहिला जन्मदाता खेङ । सन् १९५४ कु जुउ Crimean War कु जुउ घाईते सिपाईपिस्त आमुन यङ ग्वाहारन् नर्सपिस्त सोईरी व्यवहार चान बचा हिल्गु खोई दमु । आक्लान्ली नर्सिङ पेशात थिगुर इज्जतदार पेशाय रुपकु काय खोईदयन चोन ।

आउ ययन धनाद्य छेँय मिचपेनुङ नर्सिङ पेशाकु यईरीय लागिन् उत्सकु खोइदयन चोन । नाईर्टिङगेलन् नर्सिङ स्कुलयङ शुरुवात यत्चु । आमताक्कु नर्सपेन हस्पिटलकु जुकुन सिमित जुउजु । तर गसान गसान वय ढाँचा हिलेन ओन । आउय व्यलाकु नर्सपेन हस्पिटलकु मफउपे ग्वाहार यकु जुकुन मोजुयन समूदायकु व्यक्ति, परिवारय लागिन् स्वास्थ्य सम्वन्धी जनचेतना जगाकेगु ज्य खँकुङ नापज्याङ खोइदमु । उनाइसौं शताब्दीकु आमुन यङ योगदान थनुय न्हिटुल्ले गत्के फड्को मारेङ खोईदमु । नर्सिङ पेशा थिगुर ईनागु पेशा खेङ । गुनान् स्वतन्त्र रुपकु आले मेवु स्वास्थ्य कर्मीपे समन्वयकु रोगीपे रेखदेख यरीउरीय नाप नापङ समूदायकु चोङन थि थि दँय व्यक्ति परिवार हो समूदायतु स्वास्थ्य प्रर्वदन यरीत विशेष भूमीका म्येथय खोईदमु । उ थिगुर नर्सिङ पेशाय गौरबय खँ खेङ ।

अस्पताल थिगुृर ईनागु संवेदशिल अंग खेङ । गिवी मिपेन गुनेङ माँया हो आत्मीयताय् आश यङन चोनहिन् । आम व्यला गुनानुङ आपिस्त बाँमलकु व्यवहार यत्चु हर्स दुःख लगई जुईरी स्वभाविक खेङ । आमजुयलागिन् थौ व्यक्तिगत दुःख पिडात् थिखन तयन मफउपे नाप ङिलेन ङिलेन आपसिन् ङेङ खँत् बाँलस्के जवाफ विईरी हो ग्वाहार यरीउरी नर्सपे पहिला प्राथमिकता लत यर ।
तर अझङ नर्सपेन हेपई जुयन चोनहिन् । उ खँत छिजि दोखुसेनुङ नकारेरीउरी मफगु । अस्पतालकु डाक्टरलान्, मफउ हो आपे थौ खेन्नलान् थि थि रुपकु हेपई जुयन चोनहिन् । गुल्पटुल्ले नर्स अस्पतालय् स्वास्थ्य कर्मीपे खलककु महत्वपूर्ण स्थानकु चोन हङ खँकु गुनानुङ महशुष मयत आमताक्कु टुल्ले उ खँलान छिजि ल्वापडोई मफगु ।

नर्सपेनुङ मानव जाति खेङ हो आपेनुङ संवेदन जुरहिन् आले दोखुसे नाप थौ संवेदना कावुकु तई फईरी क्षमता दई मफई फरई । उ जुयलागिन् व्यला व्यलाकु थि थि किसिमय गोष्ठी हो सेमिनारपेनकु ब्व काकेईरी अवसर विई मल्गु खोईदमु । देशकु दासपिच्छे मुकन बुउथे चलेन चोङ्गु नर्सिङ स्कूलपिसिन् न मफउपे भावना बुझई जुई फउ नर्स तयार यरी फरई न अन्तर्राष्ट्रिय स्तरकु नेपालय नर्सपिसिन् ज्य नापलरीउरी मापदन्डकु बोतु बोन्केरै ।

उ जुयलागिन् अन्तर्राष्ट्रिय क्षेत्रकु सोर्गु हर्स छिजि नेपालकु उत्पादनजु नर्सपेन गत्केङ लिखन खोई दमु । विशेष यङन थनुकेसी रोजगारीय् सिलसिलाकु नर्सपेन पिदेश ओङ्गु खोईदमु । तर ईथि मोजुकेईत हाति यरीमल हर्स नेपालकुरी नर्सिङ बाँलस्केई मल्गु थनुय आवश्यकता खोईदमु । ओयलागिन् नेपाल सरकारय सम्वन्धीत निकायलान् चासो तईमल्गु खोईदमु ।

Written by 

Related posts

Leave a Comment

error: Content is protected !!