Search

घुम्न जाऔं दोलखा शैलुङ (भिडियो सहीत)

घुम्न जाऔं दोलखा शैलुङ (भिडियो सहीत)


दोलखा जिल्लाको दक्षिण पश्चिममा अवस्थित शैलुङ धार्मिक स्थल मात्र नभएर नेपाल अधिराज्यको पर्यटकिय क्षेत्र मध्य प्राकृतीक सुन्दरताले भरिपूर्ण एक महत्वपुर्ण पर्यटकिय स्थान पनिहो । एक शय वटा अग्ला होचा थुम्का थुम्की डाडाँहरुले जोडिएर रहेको यस अग्लो सुन्दरताले भरिएको चुचुरोको नाम हो शैलुङ जुन नाम तामाङ भाषाबाट राखिएको पाईन्छ । पौराणीक समयमा ऋषिहरु तपस्या गर्दथे र कलियुग सुरु भएपछि ती ऋषिहरु कलिको अनुहार नहेर्नका लागि त्यही विलीन भएर उनीहरु अद्यापी, तपस्यामा लिन छन् भन्ने विश्वास धार्मिक भावनाका आस्था राख्ने मानिसहरुको भनाई रहेको पाउछौं । अर्को तिर शैलुङका १०० वटा थुम्कामा बिभिन्न किसिमका खनिज पदार्थ भएको विश्वास पनि गरिन्छ ।


सन् १९९० को भुकम्प आउनु भन्दा पहिले काठमाण्डौको धरहरा यहाँबाट सजिलै देखिन्थ्यो । शैलुङ डाडाँ अत्यन्तै सुन्दर र पर्यटकिय डाडाँ मानिन्छ । यहाँबाट चारैतिर देखिने हिम शिखरहरु अनि यहाँ खेल्ने, नाच्ने डाँफे र बिभिन्न जात जातिका चराचुरीङ्गी एंव जंगली जनावरहरुले गर्दा यस ठाउँ धार्मिक हिसावले भन्दा पनि पर्यटकिय हिसावले अत्यन्तै महत्वपूर्ण एवं रमणीय रहेको छ । यहाँबाट दृश्यावलोकन गर्दा उत्तरी भेगका हिम श्रृंखलाहरु सगरमाथा, गौरीशंकर, गणेश हिमालका साथै अन्नपूर्ण र माछापुच्छ्रे हिमालका रेन्चहरु सजिलै देख्न सकिन्छ । यसै गरी यहाँ प्राकृतिक गुफा पनि रहेको छ ।

विशेषज्ञहरुको एक सर्वेक्षण अनुसार डाडाँको बीचमा ६५ देखि ७० मीटरको टावर बनाउने हो भने त्यहाँ बाट संसारको अग्लो चुचुरो सगरमाथा हिमाल लगायत अन्य धेरै महत्वपूर्ण हिम श्रृंखलाहरु देख्न सकिन्छ । यसैले हिउँदको समयमा स्वदेशी तथा विदेशी पर्यटकहरुको संख्या बढदै गइरहेको छ । यसरी पर्यटकिय स्थलको हिसावले धेरै महत्वपूर्ण बन्दै गएको यस डाडाँमा होटेल, लज जस्ता आवास सुरक्षा आदीको राम्रो प्रवन्ध पनि हिजो भन्दा दिन प्रतिदिन व्यवस्थीत हुर्दै गएको छ ।

त्यसैले यस स्थानमा घुम्नको लागि स्थानिय तथा बाह्य पर्यटनको आकर्षण बढ्दो रहेको स्थानिय बासिन्दाहरुको भनाई रहेको छ ।

मल्टिमिडिया ग्यालरी

[embedyt] https://www.youtube.com/embed?listType=playlist&list=UCrfKpAHWbiEIg0uksaq5iKw&layout=gallery[/embedyt]

Written by 

Related posts

Leave a Comment