बाँपीझ्याला, येँ । बलिउड अभिनेता सुशान्त सिंह राजपूत मदयन्ली नेपोटिजमय मुद्धाय चोय खँकु सोसल मिडियाकु नामजाउ सोङ्गु किपा दकेउ भाजु करन जोहर त कंगना रनौतय नाप नापङ गत्के सोसल मिडियापिसिन् येँस ल्वापठोङ खोईदमु । ईथीतु करन जोहरन् बहसय बारेकु हातिङ थौ खँ वियन तय खोईमद । उली जुकुन मखे निस्लाटुल्ले सोसल मिडियालान थौत टायन तर्जु । आउ आमु गसान गसान सोसल मिडियाकु लिपुलन चोन ।
ओन्गु शनिवार आमुन टुईटरकु लिपुले खँ पित हार्जु तर उ पतकनङ ट्रोलिङय सामना यरी मल्दन । गत्केङ ला न लि आमे टुईटर पोष्टकु थि थि प्रतिक्रिया ययन चोङ्गु खोईदमु । टुईटर हिल्केउपिसिन् करन जोहर त थि थि येँस न घेरेङन तरै ।
करन न वल्तेचा न्हि हाखेन भारतय स्वतन्त्रता दिवसय मौका लत्के इन्स्टाग्रामकु पोष्ट यङ खेङ । वय नाप नापङ आमुन शनिवार भगवान गणेशय किपा शेयर यत्चु । उ किपा नाप करन जोहर न चोर्जु भगवान गणेशय शक्तीन दोखुनु खराब बाँमलकु खँ लान् थमु व थय परिवार त रक्षा थयत । उ शक्तिन बाँलकु खँ फईलई थोजु व प्रेम जुकुन फईलई थोजु – कृपया सुरक्षित जुयन चोसिन् ।
