बाँपीझ्याला, द्वाल्खा । द्वाल्खा जिल्ला तामाकोशी गाउँपालिका क्षेत्र दुपान लकु हाटबजार महिल्केईत ईनाप यङन तरै । कोराना सरई जुईरी खतरा दर्सङ जिल्ला व्यवस्थापन खलक द्वाल्खान् थिगुर हप्ता लकडाउन यङ व्यलाकु गुङ हाटबजार महिल्केईत ईनाप यङ खेङ ।
तामाकोशी गाउँपालीका वडा ल्याखाः २ छौडेडाँडाकु हप्ताय थिपुर शुक्रबार हाट लगई जुर । लकडाउन चलेनन्ली उ हाट चलेन ययन चोङ्गु । ईथीतु द्वाल्खाकु लकडाउन यरीउरी निर्णय नाप नापङ ओङ्गु शुक्रवारकु सर्छिऔंय ल्याखाःकु सर्वसाधारणपे हाटकु यय खँ सिदत ययन चोन ।
पुलिस चौंकी छौडेय नाय् प्रहरी सहायक निरीक्षक भाजु दिपक थापान् लकडाउन चल्केन्ली स्थानिय वासिन्दापिसिन फोङथे शुक्रवारय हाट लगई जुयन यउ खेङ । तर मेवु हप्ता हाट लगई मोजु हङन् थौ खँ प्वन्के दिरहिन् ।
आन्थितु तामाकोशी गाउँपालिकाय कोकजी मयजु उर्मिला खड्कान् गाउँपालिका क्षेत्र दुपान गुङ हाटबजार महिल्केईत ईनाप यङन तरै । ईथितु कोरोनाय संक्रमण सरई जुई मविईत गाउँपालिका सुत्ता थि थि वडापेनलान् वियन यय ग्वाहारपेन टिय खँ सिके दिरहिन् । वय नाप नापङ थउ जिउय सुरक्षाय लागिन् लकडाउन बाँलस्के पालना यरीत दोखुनु नागरिकपिस्त ईनाप यङ खँ सिदत ययन चोन ।
