बाँपीझ्याला, द्वाल्खा । छिमेकी २ गुर गाउँपालिकाकु ३ म्ह कोराना संक्रमित मि नापलङ लागिन् द्वाल्खा जिल्लाय उत्तरी ब्व खेन्नय मुल नाका सिंगटी बजार टिय (बन्द) खँ सिदत ययन चोन ।
कालिञ्चोक गाउँपालिकाकु १ म्ह, गौरीशंकर गाउँपालिकाकु २ म्ह यङन ग्वारमुङन ३ म्ह कोराना संक्रमण जुउ नापलङन्ली द्वाल्खा उद्योग बाणिज्य संघ सिंगटी शाखान शुक्रबार थिगुर बिज्ञप्ती पित कायन सिंगटी बजार टिय खँ सिदत ययन चोन । ईथितु थिस्गुर छिमेकी गाउँपालिकाकु कोरोना संक्रमित नाप लङन्ली सिंगटीबजार थावी जोखीमकु लङ व्यला जुयलागिन् गत्केङ मयत्के मजिउ ज्य खँपेन त्वार्त मेवु ज्य खँ टिई त ईनाप यङ खँ द्वाल्खा उद्योग बाणीज्य संघ सिंगटीबजार शाखाय नाय् भाजु उमेश श्रेष्ठय थौ खँ दमु ।
थिस्गुर गाउँपालिकाय मुल बजार सिंगटी बजार जुयलागिन् संक्रमण जुयन चोङ्गु मिपेन बजारकु ययन मेवु मिपिस्तङ कोरोना रोग सरई जुयउ हङन सिंगटी बजार टिय हङ श्रेष्ठय थउ खँ दमु ।
आन्थीतु कालिञ्चोक गाउँपालीका –३, लामिडाँडाकु भारतलान् ययन क्वारेन्टाईनकु चोङ्गु थिम्ह ओम्सामीत बिहिबार कोरोना संक्रमण खोई दयन चोन । आउटुल्ले द्वाल्खा जिल्लाकु ५३२ म्ह पिसीआर परीक्षण यत्ङन्ली खुम्हकु कोरोना संक्रमण खोईदयन चोन । आमुमध्ये ३ म्ह लायन छेँ लिपुले खँ स्वास्थ्य कार्यालय ज्यकुठी द्वाल्खाय तथ्याङ्ककु दमु ।
