याकर कय

याकर कय
यज्ञ कुमार प्रधान
नक्छे, द्वाल्खा

जगतलाल शहरय गिमा नाम जाउ साहु दउ बाजेय् पालान नसतु मसलाय् थोक व्यापार यङन चोङ्गुतन । ब्यापार तु आपे पेशा जुयन चोङ्गु जु । एस.एल.सि. पास यङन्ली कलेज ब्वन्ङतु वोवुरी नुगरय व्यथान मदयन्ली पसल व्यापार थौतु सोइमल्दन । साङत पिसिन दोकुसेनुङ एम.ए पास यत्चु । आमुन एम.ए ब्वई मोखोन्जु । जुइवा पेमा ङामा ज्य यकु पेन दौजु । निस्मा केहेङ दौजु, केहे पिसिन क्याम्पस ब्वङन तु वीए पास यत्हिन् । व्यहा जुर । व्यापार सम्वन्धीय ज्य खँकु लेदापढी चिठ्ठी चोईत ब्वङकुठीननसी नाप वोङ साङत हत्चु । साङतुङ आमे नाप गत्केङ मिलै जु साङत जुउ । साङत नङ एम कम पास यङन क्यम्पस कु ब्वङकेउ जु ।

व्यापार व्यवहार यत्न जीन्दगी बाँलस्के व्यवस्था यकु जु । नइ तोइ त्वार्त हातिङ दुख मदौजु । व्यापारय ज्यकु आमे साङत य परिवार हो थौ परिवार जुयन लहिय लागिन् भारत हो मेले देशकु ब्वइ ताक्कु केहे पिस्त हतचु लहिय लागीन इसी पित उइ टेनगु । व्यापारकु व्यापार यकु पे भरकु जुकुन मजि थौङ सोई मल माङ वुढे जुर आन्थि जुयलागिन् छिजिनुङ फुर्सद दर्न सोयन विन हत्चु । दाजु हङन खँ टिकवा खेङले हङन निस्मा केहे पिसिन जीहे जीरले हतहिन् ।
दाज्युरी पित ओङनली निस्माङ थिपुल्नङ यौतन । यय ताक्कु थौ छेँय व्यापारय अनेक खँ लाउतन । खँ लार्न लार्न वोवु खेन्न य निस्गुर छेँ दमु मा य मा खेन्नलान यङ निस्गुर छेँ दमु । मा खेन्न य छँे थिगर थिगर इस्त विर्सङ जिउले । दाज्यु त वा खेन्न यतु निस्गुर छेँ दहे दमु हत्हिन् । माउरीननु उ खेङ आले जन पेवा जन पेवा जन मिच पिस्त विरगी कय त बोबु खेन्न य तु छँे सम्पति यक्कु दहेदमु हाति पिर हङन विचार यङन थौ पेवा उरी निस्मा मिच त पास यङन
विर्जु ।


लक्ष्मी ओङनी कय शरीरपेन थेन्जु । विदेशलान हाय कोसेलीपेन मा, केह,े जारीपिस्त विर्जु । न्हिछी माउरीन लौ वावु जिनवा जन पेवा छँे निस्मा मिच त पास यङन विर्गी, छन्त निस्गुर छेँ दहेदमु हत्चु । उली खँ लायनली हेङकेर्जु । जन्त थिपुल केइमाल रा ? जि पित ओङ ताक्कु लत्के (पारेङ) विई मल्गु कारण हाति दौजु हत्चु । जिन मवियौ हङन मखेरा । मखे वावु छन्त निस्गुर छँे दहेदमु । छन वोवु खेन्न य छेँ सम्पति तु यक्कु गहे गत हङन तुका वियले हत्चु आम्ताक्कु तु जेठी केहे हो जारी थेम्द यर । वाती वाती खँ लायन यर्ङतु कुल्सी ताई दोङ जु । आपेनु मसिय सुकायन ङेन्जु हाति जुरले हङन पेमा पेमा कय मिचपेन दउ खोङन चोनगु हङन केहे जारी य ख्वाल तु मोसोर्जु । वा तुका याकर कय जुर जिङ याकर कय जुर्गि जनवा वा कय मिच गत्के दउ माटुक्नेपेन हङन हली लगै जुर । मिच जारीन नुन्माहार्जु । मा कय य ल्वारीङायन मिच जारी त निजा नाजा नकेइउरी खँङ पित मायार ।


जुर्ङ जुर्ङ मा कय सम्वन्ध टायन जुर झन इरी छय वा खँ हे मन्त । मा य ख्वाल सोर यर्ङ दाज्यु हो केहे पे निकै ल्वारी ङार केहेपिसिन इस्त मा वा य सम्पति नापलतै जिनु सिरगी । सम्पति काई वार्परन छिपे कैमु के सम्पति कायन चोन हत्चु । उली जुयन्ली चियन चियन खोयन खोयन थौ मा के ओनहिन् । मिचपेन माइती यई त्वारतहिन् । किज पुजा यरीङ त्वारर्तहिन् । न्हित्या मा न यौता हर्स कय इरीन छन मिच पिस्त हत्न हकु जु । कय मिच य पिरन यत्ङ झन झन गलै जुयन ओन । याकर थिम्ह मिन निस्पुल सुनी वल्नी जा हायन थौ तु नई यर्स थौ नई मायार्स मनौ जु । दुसोर यौ गुनुङ मदौ जु ।
थिपुल वुढ्या मफर्जु । कय इरी गुनुङ दुस्वर मायौजु नोकर पिसिन जा यङन विउ जु । वासर य नामुङ माकार्जु । याकर पिसिन वुढ्या मा विनकेङ मफौ थिनागु अस्पताल यई मलेउरा हत्न आमे मिच पिस्त यङ हत्न जि जुकुन रा दमु कय हत्चु । नोकर पिसिन मिचौरीपिस्त फोन यत्चु । मिचौरी पिसिनुङ मलगु वासर खर्च यतहिन । निसला दई दोन्जु वुढ्या झन झन मजियन वन । कय इरी दुस्वर मायार । न्हिछी वा वुढयान संसार त्वार्तजु । दाज्यु त खवर यत्चु हाती यरी मल लिवी यर्सङ जीर ज्यउले हङन फोन तर्जु । फुकी दाज्यू किंजपिस्त फोन यत्चु छिपे दाज्यू हाखेन मयाके इसिन हाति यरी मजिर । निस्नु कुङ सिकु मयङ्नी फुकिन्ज पेनु हलि लगै जुर । गुली टुल्के सिकु आन्थिङ तयौ । आउ मिचपिसिन हाति यरीउरी अलमल्ल जुरहिन । वोवु खेन्न य गुठियार फुकिम्ज माया के सिकु ल्वाप ठोइ मजिर । गुल्मान कयौरीत खँ लार्जु सम्मmयात्चु टेडै मयत्चु ।


मिच य कैमु पिसिन छिपे माया छेन यत्न उली जुउ खेउ । लौ मोड पेन हात हङनी मिसाउरी पिसिन छे पास यङ भोर हायनली जारी पेन ओङन जेठान त भोर विर्जु आउ इसिन हाति यरी मल हर्सिन हत्चु । फुकी दाज्यू किज पिसिनु सम्झयात्चु । वल्ल पेनखुनु तु नि सिकु ल्वाप ठोन्जु । दोकसेनु मा वा कय मिच तिता केहे दाज्यू किज केहे हङ दोखुनु सम्पति डुन । सम्पति सोयन ड्वाकु हातिङ मखेउ जुन । धर्म कर्म हङ हातिन मखेउ जुन । मान वुयन ड्वाकके लहिए दुःख सिए वन आन्थिङ खेर ओन । ढ्यावा सम्पती मदके मजिर, ढ्यावा जुकुन ड्वाकुङ मखे । मान यौता यर्सङ मान श्राप विर्जु हर्स लगै जुर कयन श्राप वियन लगै जु मखे ।

Written by 

Related posts

Leave a Comment

error: Content is protected !!